👍 फेसबुकवरील साठवणीच्या माझ्या संदेशांच्या आठवणी !":👍

👍 फेसबुकवरील साठवणीच्या माझ्या संदेशांच्या आठवणी !":👍 फेसबुक वर आपण नेहमी काही ना काही संदेश प्रसारित करत असतो. त्यामधील माझी कथा आणि आठवणी हा विभाग खरोखर अत्यंत उपयुक्त आहे असे मला आढळून आले. जेव्हापासून आपण फेसबुक वर प्रवेश केला तेव्हापासून प्रत्येक दिवसाच्या आपल्या संदेशांच्या आठवणी पुनश्च आपल्याला त्या त्या दिवशी दिसतात ही तंत्रज्ञानाची कमाल आहे. माझी कथा मधील आठवणी आपल्याला पुन्हा कॉपी-पेस्ट करून ब्लॉगवर एखाद्या लेखास्वरूपात टाकता येत नाही असे माझ्या ध्यानात आले परंतु आठवणी हा जो विभाग आहे त्यातील प्रत्येक आठवण आपण तपासून ज्या लक्षणीय आहेत त्यांची नोंद कॉपी पेस्ट स्वरूपात लेखामध्ये करू शकतो हे माझ्या ध्यानात आले हा लेख देखील त्यातलाच प्रयत्न आहे. तर ह्या आहेत माझ्या काही नोंद घेण्याजोग्या संदेशांच्या आठवणी: 1 👍" प्रगतीची क्षितिजे-भरारीच्या वाटा!":👌 💐 " बारावीनंतर घरोघरी आपल्या पाल्याचे भवितव्य कसे उज्वल होईल याचा घोर पालकांना लागतो. अनेक स्पर्धा परीक्षा, पदव्यांचे मार्ग समोर खुले असतात. सध्याची स्पर्धात्मक परीक्षांची जी काही दयनीय आणि शंकास्पद स्थिती झाली आहे, त्या पार्श्वभूमीवर खरोखर यापुढे कुठल्या कोर्सला जाऊन काय फायदा होणार, याची चिंता अर्थातच वाढत जाणार. कोणे एके काळी एमबीएला खूप मागणी होती आणि वावही होता. परंतु एमबीए आणि तत्सम पदव्या व पदविका देणाऱ्या संस्थांचे जाळे पसरले, खरे पण एकंदर स्तर घसरत गेला. त्यामुळे एमबीए होऊनही विशेष काही प्रगती व आर्थिक उन्नती होईल याची शाश्वती नाही, कारण पैशाला बासरी प्रमाणे एमबीए तयार होऊ लागले. इंजीनियरिंगला जशी विद्यार्थ्यांनी धाव घेतली आणि अनेक इंजिनिअरिंग कॉलेजेस बाजारू वृत्तीने निर्माण होत गेली, त्याचप्रमाणे परिस्थिती एमबीएची देखील झाली आहे. त्यातले त्यात 'आयआयएम' सारख्या वा तत्सम नावाजलेल्या संस्थांमध्ये जर एमबीए केले, तर फायद्याचे होऊ शकते. परंतु त्याचीही सध्या शाश्वती नाही. त्यात भर म्हणून बीबीए, बीएमएम, बीसीए, बीएफएम.. अशासारख्या विविध पदव्यांचे जाळे विद्यार्थ्यां समोर घोंगावत आहे. त्यामुळे खरोखर काय केल्याने आपले आर्थिक व सामाजिक भवितव्य सुधारेल याची खात्री उरलेली नाही. आधीच नोकऱ्या मर्यादित, बेकारी वाढत चाललेली, नवीन संधी उपलब्ध होण्याची शक्यताही धूूसर आणि स्पर्धा तीव्र यामुळे खरोखर आगामी पिढीचे भवितव्य अनिश्चित झाले आहे !":💐 II कालाय तस्मै म: II 2 "फक्त दोन्ही मुलगेच असतात तेव्हा, दोघेही हुशार निपजण्याचे प्रमाण, हे त्यातील एक मुलगा गौण असण्यापेक्षा, नेहमी कमी असते?" 3 "केव्हाही, कोणताही चॅनेल लावावा, तेव्हा कायम जाहिरातींचा पाऊसच कसा असतो? म्हणजे "आशय थोडा, सोंगे फार"! 4 प्रश्न,रिमोट वापरण्याचा नसून, निर्मित्यांना, वाहिन्यांना काय अर्थहीन वा दिशाहीन हे न उमजून घेण्याचा आहे. 5 न सुटणारे प्रश्न: १. बायकांना पुरुषांपेक्षा शॉपिंगची हौस जास्त कां असते? २. एकाच आई-वडिलांच्या पोटी जन्माला येणारी भावंडे, स्वभावाने नशिबाने व कर्तृत्वाने वेगवेगळी कां असतात? ३. कालप्रवाहाच्या ओघात, सांस्कृतिक बदल, चांगल्याकडून वाईटाकडेच कां होतात? 6 "सैराट धडक वर्गातील चित्रपटांचे मूळ, कयामतसे कयामत तक अथवा एक दुजेके लिये मध्ये नाही कां?" 7 💐II मंगल प्रभात II💐 👍"बोल, अमोल-185 !":👌 💐"जीवन संग्रामात प्रत्येक जण स्वत:ला सिद्ध करायची धडपड करत असतो. पण काही मोजकेेच कर्तृत्ववान आपल्यातील विशिष्ट कौशल्यामुळे स्वतःला इतके सिद्ध करतात की, ते जगप्रसिद्ध होतात. प्रसिद्धी मिळणे, म्हणजे आपल्याला परिचित नसलेल्यांनीही आपल्याला ओळखणे, तर सर्वसामान्यांना केवळ त्यांच्या परिचयातलेच ओळखतात !":💐 8 "मराठीतील संदेशाला मराठींतूनच प्रतिसाद देणे उचित. 'इंग्रजीतले मराठी' सारखे हायब्रीड भाषेतले नसावे." 9 मारली एकच एक अशी "मिठी", जणु ठोक ठोक ठ़ोकणारी काठी! मारला एकच एक नजरेचा "तीर", करून जातो, चमत्कारच चमत्कार!! या नव्या संकल्पनेचा असा अविष्कार तुम्हाला आवडला असेल अशी आशा करतो धन्यवाद श्री सुधाकर नातू