"हृदय संवाद-१५": "आत्मा प्रेरणा-आत्मविकास ते आत्मसमाधान":

"हृदय संवाद-१५":
"आत्मा प्रेरणा-आत्मविकास ते आत्मसमाधान":

आजपर्यंत मला रोज काल मी काय काय महत्वाचे योगदान मी केलं हे नोंद करून ठेवायची सवय आहेत. परंतु आता तर कोरोनाच्या या महान संकटामुळे कायम घरातच बसून राहायची वेळ आल्यामुळे, उपलब्ध वेळेचा जास्तीत जास्त चांगला उपयोग करायचा असे मी मनाशी ठरवले आहे. सहाजिकच प्रत्येक दिवशी काल काय केले याची नोंद मी आवर्जून घेणार आहे आणि घेत आहे.

काल मी खरंच काय केले?
काल होता गुढीपाडवा, त्यामुळे तो अत्यंत महत्त्वाचा नववर्षारंभाचा दिवस.

१.
प्रथम माझ्या व्यवस्थापन शास्त्रावरील
वहीमधील अत्यंत उपयुक्त असे विचार मी ध्वनिफितीमध्ये रेकॉर्ड केले. आणि माझ्या
°एस एम डी पी° या ऑनलाईन ग्रुप वरील सभासदांना वितरीत केले.

२
दुसरी गोष्ट म्हणजे "आजोबांचा बटवा-२" हा एक विचार प्रवर्तक व ललित लेख लिहून मी पूर्ण केला व ब्लॉग वर टाकला.

३
त्याहीपेक्षा महत्त्वाची गोष्ट केली ती म्हणजे माझे तीन गुढीपाडवा विशेषांक-
"ह्रदयसंवाद", "रंगांची दुनिया",
आणि "वाचा फुला आणि फुलवा"
ह्यांची तीन वेगवेगळी रंगीत मुखप्रुष्ठे प्रथम बनवली. नंतर प्रत्येक अंकाच्या वर्ड फाईलही पीडीएफ मध्ये रूपांतरीत केल्या. प्रत्येक अंकामध्ये वेगळेपण यावे हा हेतु त्यामुळे पूर्ण झाला.

स्वत:च स्वतःला शिकवत ते काम मी केले हे एक आश्चर्य.

वर्ड फाईल पीडीएफ मध्ये रूपांतरीत करायची किमाया आता मला साधली, नाहीतर आजपर्यंत मी ते माझ्या मुलाकडून करून घेत असे. आपण स्वतःचे स्वतः कसे शिकायचे? ते अवघड वाटते खरे, परंतु ती प्रक्रिया ही एक मोठी गंमत असते हे मला ह्या अनुभवामुळे जाणवले. त्यामुळे यापुढे कुठल्याही अडचणी आल्या तरी, आपण डगमगून न जाता, कितीही तांत्रिक गुंतागुंत असली तरी, आपणच स्वतःचे स्वतः शिकायचे, हा विचार मी पक्का केला आहे. ह्यापुढील माझ्या आगामी डिजिटल अंकांची रचना व सुशोभीकरण, मी माझ्या मुलाला त्रास न देता स्वतः करायची ही जिद्द मला गवसली.
ही आजची मोठी कमाईच, नव्हे कां!

४ व ५
हे सर्व अंक तयार झाल्यावर मी ते ज्यांना हवेत त्यांना वितरित केले. त्यासंबंधीचे प्रचार पत्रक मी काही कालच विविध लोकांना सोशल मिडीया वरून पाठवले होते. आजही ते आणखी पुष्कळांना पाठविण्याचे कामही मी पूर्ण केले. दिवस अखेर जवळजवळ २५ हून अधिक अशा इच्छुक वाचकांना हे तीनही अंक मी पाठवले.

ह्यापुढील काही दिवस, मला जसे इच्छुक वाचकांचे होकार येत जातील तसे ते अंक पाठवण्याचे आनंददायी काम मिळणार आहे !

तेव्हा, ही होती माझी गुढीपाडव्याच्या दिवशीची कमाई.

"आत्मा प्रेरणा-आत्मविकास ते आत्मसमाधान":
नववर्षाचा आरंभ असा चांगला झाला, याचा मला मनापासून खूप आनंद होत आहे.
ह्या अनुभवावरून मला कळून चुकले आहे की, आत्मप्रेरणा ही एक महत्त्वाची भावना आहे. तुम्हाला आपण काही ना काही तरी नवीन करावे अशी इच्छा निर्माण होणे आणि त्याप्रमाणे उद्युक्त होऊन तुम्ही ती कृती करायला लागणे, ही जी काही प्रक्रिया आहे, ती आत्मप्रेरणा होय. ती प्रक्रिया तुम्हाला नवनवीन कामे सहजपणे करून देण्यास उद्युक्त करते.

जसजसे तुम्ही आपल्याला हवे ते ध्येय पार करत जाता, त्याला आपण अचीवमेंट achievement वा accomplishment असे म्हणतो. तर "अचीवमेंट मोटिवेशन" हे आपोआपच त्यामुळे तुमच्या मनात, उत्साहाची नवी ऊर्जा निर्माण करते आणि पाहता पाहता तुमचा आत्मविकास करण्याचा मार्ग खुला होतो.

सारांश, आत्मप्रेरणा म्हणजे ठरावीक ध्येयपूर्तीची इच्छा, त्यामुळे योग्य कृती, त्यामधून ध्येयपूर्ती. ती पूर्ण झाल्याचे आत्मसमाधान तुम्हाला मिळणे स्वाभाविक होते. ह्या सार्यामुळे तुमचा आत्मविकास आणि आत्मविकास जसजसा अधिकाधिक होत जाईल तसतशी तुमची
आत्मप्रेरणा अधिकाधिक निर्माण होत जाईल असे हे तुमच्या जीवनात अव्याहत चालणारे चक्र, एकदा कां निर्माण झाले की, तुम्ही मागे वळून पाहत नाही. कुठल्याही प्रसंगाला, सभोवतालचं वातावरण किती जरी प्रतिकूल, निराशाजनक असलं, तरी तुम्ही "With Back to the Walls" अशा जिद्दीने पुनश्च उभे राहून इतरांना चकित करू शकतील अशीही कामे व योगदान देऊ शकता.

असा हा अविस्मरणीय अनुभव मला गुढीपाडव्याच्या दिवसाने दिला आणि तो मी फक्त इथे तुम्हाला पुन्हा वाटला. मला आशा आहे की, ज्या मनोभूमिकेत-Mindset मध्ये मी आहे, त्याच मनोभूमिकेत तुम्हाला देखील प्रवेश करता येईल. या आत्म प्रेरणेच्या चक्रावर तुम्हीदेखील आरूढ होऊन आपला आत्मविकास ते आत्म समाधान साधू शकाल अशी मी आशा करतो.

नववर्षाच्या मनःपूर्वक पुनश्च शुभेच्छा.

जाता जाता, आज हा लेख, अशा तऱ्हेने पहाता पहाता सहजगत्या लिहिला जाणं, ही देखील एक आत्मप्रेरणा ते आत्मसमाधानाची गोष्टच !
-------------------------------
असेच शंभराहून अधिक वाचनीय लेखांसाठी माझ्या ब्लॉगची
ही लिंक उघडा......
wapp grp वर शेअरही करा......

http//moonsungrandson.blogspot.com

धन्यवाद
सुधाकर नातू
२६/३/२०२०
ता.क.
To this article, I was extremely happy to receive
from one of the SMDP participants, a Comment and a Question, I feel honoured to share them here with you with my responses. I am sure you would find them enjoyable.

Comment:
👍
Farch structured, focused working

My Response:
"Thanks. Honestly, today, after a while, there was nothing else to do, I just looked back, at what did I do y'day and lo, magic happened, like a waterfall, words flowed and rest is with you now to see and follow."
-------------------------
👍
Question:
Where do you get the energy?.....

My Response:
"Frankly, probably I am the laziest person in my family and relatives. My father sarcastically used to call me "जांभूळलोट्या !"-म्हणजे असा माणूस जो आडवा पडला आहे, त्याच्या ओठांवर एक जांभूळ विसावलेले आहे आणि ते तोंडात ढकलण्यासाठी तो दुसर्या कुणाला तो बोलावतो असा मुलखाचा आळशी माणूस!

But yes, may be I happen to be more a thinker than a doer, a philosopher critic. So, there is an inbuilt urge, whatever little I must do, must be different and meaningful. That's what must have imbibed in me the much needed, Achievement motivation.

आपल्या जवळ जे जे चांगलं विचारधन, इतरांना उपयुक्त असं काही असलं, तर ते देत रहावं, हा माझा मार्ग मी चालण्याचा यत्न करत आहे.
And the rest is here in the form of SMDP."

Sudhakar Natu