👍" मराठी रंगभूमी आणि नाटके!":👌 💐"रसिकमनांची रसिली यात्रा !":💐

👍" मराठी रंगभूमी आणि नाटके!":👌 💐"रसिकमनांची रसिली यात्रा !":💐 ☺️ "माणसाला कोणत्या ना कोणत्या गोष्टीचा नाद असतो व्यसन असते. त्या गोष्टीचा नादात तो वास्तवता विसरतो त्या अनुभवांची जणू त्याला नशा चढते. त्यामुळे देहभान हरपते. कोणाला दारूचे, अफूचे व्यसन असते, तर कोणाला संगीताचा नाटकाचा शौक असतो. दोन्ही वेळेस परिणामात फरक असला तरी शौकाची दिशा एकच असते. मराठी माणसासाठी नाटक हा एक अत्यंत जिव्हाळ्याचा विषय आहे. त्यामुळे नाट्यरसिकांना नाटकांचा असाच विलक्षण शौक असतो. नाटक ही एक खरोखर रोमांच निर्माण करणारी चीज आहे. मराठी रंगभूमीवरील नाटकांमध्ये पुष्कळदा धंदा कला विचार या त्रिमूर्तीचा अपूर्व संगम करण्याची कुवत असते. एक अनोखे करामणूक विश्व आहे. कोणत्याही व्यवसायात जी मूलभूत तत्वे असतात त्यांचा इथे समावेश होतो. कस ते सांगतो. रंगमंच हे त्या व्यवसायाचे ठिकाण, काम करणारे कलावंत व्यवसायाकरता भांडवल अर्थात कॅपिटल, तर ग्राहक प्रेक्षक_. व्यवसायाकडून बाहेर पडणाऱ्या फायनल प्रॉडक्टचा नाटकाचा उपभोक्ता म्हणजे कस्टमर असतो. गुंतवलेल्या भांडवलावर अर्थातच जास्तीत जास्त फायदा रिटर्न मिळवणे हा कोणत्याही व्यवसायाचा गाभा येथे उपस्थित असतो. त्या दृष्टीने हा एक धंदा आहे, पण इथे गोष्ट तिथे संपत नाही नाटक हे धंद्यापलीकडे कलेच्या रूपाने एक वेगळे निर्मितीविश्व_ क्रिएटिव्ह वर्ल्ड येथे आविष्कार घडवत असते. जातिवंत कलावंताच्या अद्भुत प्रतिभेचा चमत्कार अनुभवण्याची तिथे संधी मिळू शकते. कलेमध्ये एक अपार असे सौंदर्य असते, तर विचारांची प्रगल्भता बुद्धीचा तरल संवाद नाटक आपल्या उपभोक्त्यांशी भावसंवाद करू शकते. म्हणूनच नाटक धंदा कला विचार त्रीमूर्तीचा अद्भुत संगम करणारी गोष्ट आहे. विविध विषयांवर समाजाच्या मानवाच्या जीवनातील विविध अशा गुंतागुंतीवर समस्यांवर जेव्हा नाटकाच्या रूपातून भाष्य केले जाते, तेव्हा एक नवा विचार देणारेनाटक नवीन दिशा देत असते. त्यामुळे या त्रिवेणी संगमापोटी मिळणारा आनंद खरोखर शब्दातीत असतो. अर्थात प्रत्येक नाटकाला जे जमतेच असं नाही. अत्यंत दुर्मिळ अशी नाटके या ३ गोष्टींचा समायोजित समकल्प करणारी असतात आणि अर्थातच ती रसिक मनाला धुंद आणि अंतर्मुख करत असतात असं मला वाटतं. नाटक रंगभूमी या यावर मला जे वाटलं सुचलं ते इथे मांडलं आणि ते तुम्हाला देखील आवडेल असं मला वाटतं !':👌 धन्यवाद श्री सुधाकर नातू