"जन्मपत्रिकेतील अनुवांशिक ग्रहयोग !"
वैद्यकशास्त्रातील डी एन ए आणि जेनेटिक शास्त्र यानुसार अनुवांशिकतेचा अभ्यास कायम होत असतो आणि मागील पिढ्यांमधील गुणावगुण यांचा जो पुढे प्रवास नव्या पिढीमध्ये चालू राहतो तो आपल्याला नेहमी प्रत्यक्षात अनुभवायला येतो. 'ती' अगदी तिच्या आईची कॉपी आहे किंवा हा मुलगाअगदी बापा सारखा दिसतो, अशा तर्‍हेची वाक्य
आपण कायम ऐकली आहेत. वडील ४५ व्या वर्षी हार्ट अटॅकने निधन पावले आणि त्यांचा मुलगा देखील अगदी त्याच वयात हार्ट अटॅकने गेला असे उदाहरण पाहण्यात आले आहे. अनुवंशिकता हे एक अत्यंत महत्त्वाचे असे ज्ञानाचे, अभ्यासाचे क्षेत्र आहे.
गेली चाळीसहून अधिक वर्षे मी एक हौशी अभ्यासू ज्योतिषी म्हणून विविध पत्रिकांचा सखोल अभ्यास करत आलो आहे. अनुवंशिकता हा विषय जेव्हा माझ्या डोक्यात आला, तेव्हा काही महिन्यांपूर्वी मी विविध जन्मपत्रिका अधिक चिकित्सक दृष्टीने पहात होतो, तेव्हा मला लक्षात आले की, काही महत्वाचे ग्रहयोग अथवा ग्रह विशिष्ट स्थानात किंवा राशींमध्ये कुटुंबामध्ये पुन्हा परावर्तित होत असलेले त्यांच्या पत्रिकांवरून आढळले.
"गजकेसरीयोग":
रवी गुरु जर केंद्रात म्हणजे एकमेकांपासून नव्वद अंशांवर असले, तर त्याला गजकेसरी योग म्हणतात, हे आपल्याला माहीत आहे. तर हा गजकेसरी योग आई-वडिलांकडून मुलांमध्ये आलेला आपल्याला पत्रिके मधून आढळून येऊ शकतो. तीच गोष्ट रवि गुरू नवपंचम योग हा शुभयोगही आपल्याला कुटुंबामध्ये अनुवंशिकतेच्या उदाहरणासारखा पुढच्या पिढीत जन्मपत्रिकांत पुनश्च दिसू शकतो.
म्हणून एका कुटुंबाची माहिती अशी:
# आई: हिच्या जन्मपत्रिकेत गुरु आणि चंद्र यांचा गजकेसरी योग, चंद्र तृतीय स्थानी तर गुरु षष्ठस्थानी. # वडील: त्यांच्या पत्रिकेत गुरु अष्टमांत तर चंद्र लाभस्थानी. अशा तऱ्हेने त्यांच्याही पत्रिकेत गजकेसरी योग.
त्यांना चार मुले त्यापैकी दोन जणांच्या पत्रिकेत हाच शुभयोग पुन्हा आपल्याला आढळतो:
# मोठा मुलगा: त्याच्या पत्रिकेत चंद्र तृतीय स्थानी गुरु षष्ठस्थानी म्हणजे आईच्या पत्रिके सारखाच पुनश्च गजकेसरी योग त्याच स्थानांतून.
# मोठी मुलगी: तिच्या पत्रिकेत चंद्र प्रथम स्थानी तर गुरु लाभस्थानी म्हणजे तिच्याही पत्रिकेत गजकेशरी योग !
बाकीच्या दोन मुलांच्या पत्रिकेत मात्र हा योग परावर्तित झालेला नाही. डायबेटिस जसा आई-वडिलांना जर असेल वा दोघांपैकी कोणाला असेल, तर त्यांच्या काही मुलांमध्ये तो आढळतो आणि काही मुलांमध्ये आढळत नाही, तसाच जणु हा प्रकार ! कुतूहलाने मी वरील उदाहरणांतील थोरल्या मुलाच्या मुलीची पत्रिका अभ्यासली, म्हणजे त्या गृहस्थांच्या नातीची. तर त्या पत्रिकेमध्ये गुरु नवम स्थानी तर चंद्र व्यय स्थानी, असा गुरु चंद्र केंद्रयोगात असणारा गजकेसरी योग, अनुवंशिक नियमासारखा बघायला मिळाला. तिसर्‍या पिढीत देखील हा योग पुढे आढळला.
"रवी-गुरू नवपंचमयोग":
वरील उदाहरणांमध्ये वडिलांच्या पत्रिकेत रवि व्यय स्थानी, तर गुरु अष्टम स्थानी, असा गुरु रवि नवपंचम योग आहे. ज्येष्ठ मुलाच्या, थोरल्या मुलाच्या म्हणजे या गृहस्थांच्या नातवाच्या जन्मपत्रिकेतही रवी द्वितीय स्थानात आणि गुरु षष्ठ स्थानी असा रवी-गुरू नवपंचम योग तिसर्‍या पिढी परावर्तित झालेला सापडला. अनुवंशिक ग्रहयोग म्हणून जणू या मुलाच्या आईच्या पत्रिकेत अर्थात वरील गृहस्थांच्या सुनेच्या पत्रिकेत देखील रवि लाभस्थानी तर गुरु सप्तम स्थानी असा रवी गुरु नवपंचम योग आहे. आईकडून मुलाला देखील हा योग पुढे पाठवला गेला असंही आपल्याला म्हणता येईल !
"कालसर्पयोग":.
ज्याप्रमाणे रवी गुरु गजकेसरी योग अथवा रवी गुरु नवपंचम योग हे एका पिढीतून पुढच्या पिढीमध्ये पत्रिकांम़ध्ये असू शकतात, त्याच प्रमाणे कालसर्पयोग- राहू केतूच्या एका बाजूच्या अर्धवर्तुळात उरलेले ग्रह असणे, एका पिढी मधून दुसऱ्या पिढीच्या पत्रिकेत देखील आढळू शकतात. या आजोबांच्या पत्रिकेत सहा आणि बाराव्या स्थानामध्ये राहू-केतू असून त्या पत्रिकेत
कालसर्पयोग होतो. अगदी तशीच परिस्थिती त्यांच्या नातवाच्या पत्रिकेतही कालसर्पयोग आढळून आला.
"राजयोग":
जन्मलग्न पत्रिकेमध्ये जर केंद्र व त्रिकोण यांचा स्वामी जर एकच ग्रह असेल तर त्या पत्रिकेला राजयोग आहे असे मानतात. सहा जन्मलग्नांना शनि, शुक्र अथवा मंगळ यांचे राजयोग होतात, तर उरलेल्या सहा जन्मलग्नांना तशी परिस्थिती न आल्यामुळे राजयोग होत नाही. हा राजयोगही अनुवंशिकतेने पुढच्या पिढीमध्ये संक्रमित झालेला आढळतो. ह्या उदाहरणात आजोबा, त्यांचा मुलगा आणि त्यांच्या मुलाची मुलगी ह्या तिघांच्याही पत्रिकेत राजयोग होतो असे आढळून आले. तसेच दुसर्‍या एका उदाहरणात आईच्या पत्रिकेत शनीचा राजयोग तर तिच्या तीन मुलांच्या पत्रिकांत देखील असेच राजयोग आढळले. त्यापैकी एका मुलाच्या पत्रिकेत शनीचा राजयोग तर उरलेल्या दोन मुलांच्या पत्रिकेतील मंगळाचा, सहाजिकच राजयोग देखील अनुवंशिकता पाळतो असे म्हणायचे !
कोणतीही गोष्ट जेव्हा किंवा घडायची तेव्हाच बहुदा घडत असावी. कारण अशा अनेक पत्रिका मी गेली कित्येक वर्ष नजरेखालून घालत असूनही ही ग्रहयोगांच्या अनुवंशिकतेची बाब माझ्या बिलकुल लक्षात आली नव्हती. अलीकडच्या काळात ती ध्यानात यावी, हे एक नवलच. मी पुन्हा त्या पत्रिका अधिक सखोलपणे अभ्यासल्या आणि माझ्या लक्षात आले की, केवळ ग्रहयोगच अनुवंशिकतेने पुढे परावर्तित होतात असे नाही, तर विशिष्ट ग्रह विशिष्ट स्थानी किंवा राशीत असण्याचीही शक्यता असते.
वरील उदाहरणातील आईच्या पत्रिके शनी हा पंचम स्थानी आहे, तर तिच्या जेष्ठ मुलाच्या पत्रिकेत देखील शनि पंचम स्थानी आढळला. या आईच्या पत्रिकेत मंगळ द्वितीय स्थानी तर तिचा नातू-जेष्ठ मुलाचा तसेच मुलीचाही मुलगा याच्या पत्रिकेत देखील मंगळ द्वितीय स्थानात आहे ! ही आजी आणि ह्यातील एक नातू, यांच्या पत्रिकेत शुक्र देखील व्ययस्थानात आहे.
जी गोष्ट ग्रहांच्या त्याच स्थानात असण्याची,
ती ग्रह एका विशिष्ट राशीत असण्याचीही शक्यता अनुवंशिकतेने असू शकते. ते आपल्याला अधिक सखोलपणे पत्रिकेचा जर चिकित्सक दृष्टीने अभ्यास केला, तर ध्यानात येते. या पत्रिकेमध्ये वडील आणि त्यांची मुलगी यांच्या पत्रिकांमध्ये शनी व्रुषभ राशित आहे. दुसऱ्या एका उदाहरणामध्ये आजोबांच्या पत्रिकेत बुध शनि आणि रवी ज्या राशींमध्ये आहेत त्याच राशीत ते त्यांच्या नातवाच्या पत्रिकेत आढळले !
मेडिकल सायन्सप्रमाणे जणू ज्योतिषाचा अभ्यास केला, तर एका कुटुंबातील वेगवेगळ्या व्यक्तींच्या पत्रिकांमध्ये असा योगांचा ग्रहयोग यांचा किंवा ग्रह विशिष्ट स्थाने व राशि पुन्हा-पुन्हा असण्याचा अनुवंशिक असा जणू योग असतो, असेच या संशोधनावरून म्हणायचे. अभ्यासकांनी या विषयाला चालना देऊन अधिकाधिक कुटुंबांच्या पत्रिका तपासून वेगवेगळे निष्कर्ष काढावेत. विज्ञानात जसं संशोधन, प्रयोग यामधून नवनवीन असे शोध लागतात, तसाच हा प्रयत्न मी येथे केला आहे.
धन्यवाद
सुधाकर नातू
ता.क.
"सुधा" डिजिटल दिवाळी अंक'२१:
प्रकाशित करण्याचे नेहमीप्रमाणे ठरविले आहे.....
खास आकर्षण......
'नियतीचा संकेत': अर्थात ग्रहबदलानुसार "अनुकूल गुणांवर आधारित संपूर्ण वार्षिक राशीभविष्य लिहून शुभारंभ केलाही आहे......
ह्या शिवाय........
ह्रदयसंवाद, आजोबांचा बटवा, टेलिरंजन....
"वाचा, फुला आणि फुलवा".......
अशी वैविध्यपूर्ण साहित्यिक मेजवानी......
आपली मागणी आजच 9820632655 ह्यावर whatsapp ने
किंवा sudhakarnatu@hotmail.com वर ईमेलने नोंदवा......
अपेक्षित प्रतिसाद मिळाल्यावर आँनलाईन मानधन मूल्य रु १००/-कसे पाठवावयाचे ते कळविण्यात येईल.....
धन्यवाद
सुधाकर नातू
प्रकाशित करण्याचे नेहमीप्रमाणे ठरविले आहे.....
खास आकर्षण......
'नियतीचा संकेत': अर्थात ग्रहबदलानुसार "अनुकूल गुणांवर आधारित संपूर्ण वार्षिक राशीभविष्य लिहून शुभारंभ केलाही आहे......
ह्या शिवाय........
ह्रदयसंवाद, आजोबांचा बटवा, टेलिरंजन....
"वाचा, फुला आणि फुलवा".......
अशी वैविध्यपूर्ण साहित्यिक मेजवानी......
आपली मागणी आजच 9820632655 ह्यावर whatsapp ने
किंवा sudhakarnatu@hotmail.com वर ईमेलने नोंदवा......
अपेक्षित प्रतिसाद मिळाल्यावर आँनलाईन मानधन मूल्य रु १००/-कसे पाठवावयाचे ते कळविण्यात येईल.....
धन्यवाद
सुधाकर नातू
