👍"नियतीचा संकेत-लेख २-'मेष ते कन्या राशींचीवैशिष्ट्ये !":👌

 👍👍👍👍💐💐

"रंगांची दुनिया":

"रसिकमनांची रसिली यात्रा.....

👍"नियतीचा संकेत-लेख २ !":👌

"मेष ते कन्या राशींची वैशिष्ट्ये !”:        

आपला "रंगांची दुनिया" हा समूह उत्तरोत्तर चांगली प्रगती करत आहे असे दिसते. कारण विविध मनोरंजक कलाविष्कार, त्याचप्रमाणे माहितीपर ज्ञानवर्धक असा मजकूर आपल्या समूहावर प्रकाशित केला जात आहे. 

रसिक मन हे नेहमी कुतुहूल आणि जिज्ञासा यांना आपलेसे करत असते. नवनवीन विषय जाणून घेणे, हाही त्यातलाच एक भाग असतो. मी देखील माझ्या "नियतीचा संकेत" या डिजिटल लेखसंग्रहातील लेख, प्राथमिक ज्योतिष विषय घरबसल्या सर्वांना सुलभतेने समजावा, या हेतूने क्रमशः देत आहे. त्यातील हा दुसरा लेख. 

आता ह्या खास लेखांत प्रत्येक राशीसंबंधी उपयुक्त माहीती करून घेऊ. त्यात राशीस्वामी अर्थात् ती राशी कोणत्या ग्रहाची, त्या राशीतील नक्षत्रे कोणती, त्याराशी कोणता ग्रह उच्चीचा तर कोणता ग्रह नीचीचा होतो ह्याची ओळख करून दिली आहे.

१.    मेष: 

मेष रास मंगळाची रास आहे रवी येथे उच्चीचा होतो त्यामुळे तुम्ही शीघ्रकोपी महत्त्वाकांक्षी असतात. उद्योग करत राहणे हा तुमचा स्थायीभाव असतो येथे शनी नीचेचा होत असल्याने शनीच्या साडेसातीचा तुम्हाला जास्त असतो. वय वर्ष 28 नंतर सर्वसाधारणपणे तुमचा भाग्यदय येतो. विवाहाचे दृष्टीने तुला राशी तुमचे चांगले धागेदोरे जुळतात. सिंह व धनू राशीच्या व्यक्ती तुमचा संसार गोडीचा होऊ शकतो, कारण त्यांच्याशी नवपंचम योग होतो मात्र मृत्यू षडाष्टकतील कन्या रास मात्र तुम्हाला त्याकरता पूर्ण वर्ज्य असते.

२. व्रुषभ: 

क्रुत्तिका नक्षत्राचे तीन, पूर्ण रोहिणी व म्रुगाचे दोन चरण ह्यांनी ही शुक्राची रास बनली आहे. चंद्र इथे उच्चीचा होतो व कुणीही ग्रह नीचीचा नाही. त्यामुळे तुम्ही नेहमी उत्साही आनंदी असून उद्योगमग्नता हे तुमचे वैशिष्ट्य आहे. रसिकता विलासी व्रुत्ती व खिलाडूपणा असतो. नेहमी नीटनेटके व प्रसंगानुसार व्यवस्थित रहाणे पसंत करता. आळस नसतो, तारुण्यात अडचणींवर मात करून तुम्ही स्वबळावर जीवनात स्थैर्य व प्रगती साधता. म्रुत्युषडाष्टकातील धनु राशी, विवाहासाठी वर्ज्य आणि व्रुश्चिक ह्या मंगळाच्या राशीबरोबर तसेच नवपंचम योग साधणार्या कन्या व मकर राशीच्या जोडीदारांबरोबर संसार सुख समाधानाचा होऊ शकतो. 

3.मिथून: 

मिथुन रास ही विचारी, बुद्धिमान बुधाची रास आहे. स्त्री-पुरुषाचे युगुल असे बोधचिन्ह असल्याने स्त्रीची कोमलता व तर पुरुषाचा अहंकार असे द्विस्वभावी रूप तुमच्या राशीचे असते. कोणताही ग्रह येथे उच्चीचा वा नीचीचा होत नाही. आपल्या मनात काय चाललंय हे तुम्ही कुणालाच कधी जाणवू देत नाही. बोलघेवडेपणा मिश्किल थट्टा तुम्हाला आवडते. तूळ व कुंभ या नवपंचम योगातल्या राशीचे जोडीदार तुमच्याशी संसार चांगला करतात, मात्र वृश्चिक ही बुधाचा शत्रू असलेल्या आणि तुमच्या षडाष्टकात असलेल्या मंगळाची रास तुम्हाला विवाह साठी टाळावी लागते. म्रुगाचे दोन चरण रोहिणी पूर्ण व पुनर्वसु नक्षत्राचे तीन चरण मिळून ही राशी बनते.

४ कर्क: 

कर्क रास ही चंद्राची रास असल्यामुळे भावनाप्रधान कल्पक व प्रतिभा माणसांची राशी आहे. मंगळ येथे नीचीचा तर गुरु उच्चीचा होतो. संसारात तुम्हाला खूप गोडी असते. तुम्हाला माणसे हवीहवीशी असतात. प्रेमात तुमच्या चंचल स्वभावामुळे नुकसान फसगत होऊ शकते. कवी-लेखक कलावंतांची ही रास जीवनात सुखदुःखाचे वादळवारे नेहमी पचवत असते. विवाहाकरता मृत्यू षडाष्टकातील कुंभ रास वर्ज्य, तर मीन व वृश्चिक राशी नवपंचम योगामुळे शुभ फळे संसारात देतात. पुनर्वसुचा एक चरण तर सर्वात शुभ नक्षत्र पुष्य पूर्ण व अनिष्ट आश्लेषा नक्षत्राने ही रास बनते.

५ सिंह: 

वनराज सिंहाची ही रास, सर्वांवर अधिकार गाजवते कुणाकडे हार जाणे तुम्हाला आवडत नाही. आपला शब्द हा अंतिम असावा असा तुमचा आग्रह असतो. एक प्रकारचा हट्टी स्वभाव हे तुमचे वैशिष्ट्य असते. मात्र तुम्ही दीर्घोद्योगी निश्चय व महत्त्वाकांक्षी असल्यामुळे जीवनात नेहमी अग्रेसर राहून यश मिळवू शकता. नवपंचम योगातील मेष व धनु राशीचे जोडीदार विवाहासाठी अनुकूल ठरतात, तर मृत्यू षडाष्टकातील मकर रास चालत नाही, पूर्ण मघा आणि पूर्ण पूर्वा नक्षत्र तर उत्तरा नक्षत्राचा एक चरण मिळून ही रास बनते. जीवनात मध्यम वयात तुम्हाला स्थैर्य व भरभराट अनुभवास येते.

६. कन्या: :

अत्यंत चिकित्सक कन्या राशीची माणसे संशयी व आतल्या गाठीची असतात अकाउंट्स ऑडिट वकिली पेशात उत्तम यश मिळवतात. ही बुधाची रास असून बुध येथे उच्चीचा होतो, मात्र शुक्र येथे नीचीचा होतो. शैक्षणिक यश, वाद-विवादात तुम्ही छाप पाडता. मात्र तुम्ही नेहमी काळजी किंवा चिंता करत असता, त्यामुळे कपाळावर कायमच्या आठ्या, असे हे माणसांचे स्वरूप असते. निर्भेळ सुख मिळवणे तुम्हाला कठीण होते. विवाहाचे दृष्टीने मृत्यूषडाष्टकातील मेष रास टाळावी तर व्रुषभ व मकर हे नवपंचम रात्रीतले जोडीदार तुमच्याबरोबर संसार आनंदाचा करू शकतात. उत्तरा नक्षत्रातील तीन चरण, पूर्ण हस्त व चित्रा नक्षत्राचे दोन चरण यांनी कन्या रास बनते.

तुळ ते मीन राशीची वैशिष्ट्ये पुढच्या लेखात. आपल्या प्रतिसादावर पुढची वाटचाल अवलंबून आहे.

धन्यवाद

सुधाकर नातू