👍" बोल अमोल, वाचता वाचता वेचलेले !":👍

👍 बोल अमोल, वाचता वाचता वेचलेले-भाग 2 !":👍 💐 " द ट्रायल ही जगविख्यात लेखक फ्राॅन्झ काफ्का याची कादंबरी एका महत्त्वाच्या प्रश्नाला वाचा फोडते माणसाला स्वतःचे निर्णय स्वतः घेण्याचे स्वतःचे भागदेय ठरविण्याचे स्वातंत्र्य असते कां? प्राचीन काळापासून प्रचलित असलेले नियतीवादी तत्त्वज्ञान आणि आधुनिक जैव रसायनशास्त्र आणि मानसशास्त्र यामधील संशोधक याचे नकारार्थी उत्तर देतात. जीव जन्माला येतो तो त्याच्या इच्छेविरुद्ध आणि मृत्यू सुद्धा पावतो तो त्याच्या इच्छेविरुद्ध. या दोन बिंदूंच्या मधल्या आयुष्यावर त्याचे कुठलेही नियंत्रण नसते. असंवेदनशील असंगत अलिप्त आणि अमानुष व्यवस्थेमध्ये मानवी जगण्याची अपरिहार्य अर्थहीनता आणि अनिश्चितता अधोरेखित करणारी अशी ही अर्थसधन कादंबरी आहे !":💐 '############## 👍 "बोल अमोल, वाचता वाचता वेचलेले !":👍 💐"आयुष्यात जर समाधान हव असेल तर चातुर्य अजिबात उपयोगी पडत नाही. मर मर मरायचं आणि वरवरचं यश मिळवायचं आणि पुन्हा अतृप्ती ती अतृप्तीच त्यापेक्षा आपण या धावपळीतून. बाजूला झालेलं बरं. कधीतरी हा विचार मनात डोकावला आणि मी स्पर्धेतून बाजूला झालो. माझ्या आयुष्यातून मी स्पर्धा वजा केली आणि मला अगदी वेगळ्या प्रकारचं सुख लाभलं. मनावरचा सगळा भार उतरून ठेवल्यासारखं वाटलं. स्पर्धाहीन अशा समाधानी जीवनाचा हा महेश सावंत धनी झाला होता. मी समाधान मिळविण्यासाठी मात्र महाराजांच्या शाब्दिक प्रवचनाला निघालो होतो. केवढा हा फरक ! त्या क्षणी मी मनानं कुठेतरी निर्णय घेतला. प्रवचन वगैरे सगळे बाह्य उपचार खुंटीला टांगून ठेवायचे. आयुष्याच्या जीवघेण्या स्पर्धेतून अंग हलकेच बाजूला काढून घ्यायचं आणि सार्थ जीवन निसर्गाच्या बरोबर शांतपणे जगायचं. असं स्पर्धा निरपेक्ष जीवन जगणं हीच एक प्रार्थना असेल नि मिळेल ते समाधान हाच देवाचा प्रसाद !":💐 # रवींद्र पिंगे ##############