👍"मुक्तसंवादाच्या पाऊलखुणा !"💐 !

 👍"T2O चा थरार !":👌

👍 साहित्यात जसे नाटक, कादंबरी, लघुकथा कविता इत्यादी असे विविध प्रकार असतात, त्याचप्रमाणे क्रिकेटमध्ये कसोटी सामना, एक दिवशीय व टी-ट्वेंटी असे तीन प्रकार प्रचलित आहेत. त्यातील टी ट्वेंटी हा फलंदाजी, क्षेत्ररक्षण गोलंदाजी आणि टेम्परमेंट या सगळ्या गोष्टींचा अक्षरशः कस बघणारा थरारक प्रकार आहे.

मी तरी या तिन्ही प्रकारांपैकी t20 मॅचेस बघणे जास्त पसंत करतो. इतर दोन प्रकार त्यामानाने कंटाळवाणे वाटतात, तेवढा पेशंन्स प्रत्येकच क्रिकेट प्रेमीला असेलच असं नाही. भारत ज्या ग्रुपमध्ये आहे, त्यामधील भारताची फलंदाजी काहीशी भरवशाची, परंतु त्यामानाने गोलंदाजी मात्र अस्थिर आणि भरवसा ठेवण्याजोगी नाही. मुख्य म्हणजे टेंपरामेंटच्या बाबतीत आज बांगलादेशने जी जिगर आणि जिद्द दाखवली, तशी आपल्याला नेहमी साधता येतेच असे नाही. अर्थात आज पाऊस संपल्यावर आपण नक्की चांगले टेंपरामेंट दाखवून सामना जिंकला हे जरी खरेच, तरी बांगलादेशच्या तळाच्या फलंदाज्यांनी अविश्वासनीय अफलातून कामगिरी करून, आपल्या तोंडचे पाणी पळवले होते, हे विसरता कामा नये.

बाकी संघांचा विचार करता, पाकिस्तानची गोलदाजी भरवशाची, झिम्बाब्वेचे क्षेत्ररक्षण व टेंपरामेंट कौतुकास्पद. अर्थात हे माझे विश्लेषण आहे अशाच तर्हेचे विश्लेषण आपणही प्रतिसादात मांडले तर चांगलेच.

जाता जाता एक मल्लीनाथी अशी की, t20 सामन्यांप्रमाणेच दूरदर्शनवरील मराठी मालिकांनी देखील असा ऑटोपशीर सादरीकरणाचा प्रयत्न केला तर सोन्याहून पिवळे !

😊 "मोबाईल खाईल वेळच वेळ !":😢
Morning walk च्या वेळेचा अनुभव असा असतो की जो तो हातात मोबाईल घेऊन काही ना काहीतरी बोलत चाललेला दिसतो. तर काही जण ब्लूटूथच्या साह्याने बोलत असल्यामुळे त्यांच्या हातात काहीच नसते आणि एखादा बडबडत काय चालला दिसतो. पूर्वी जर असं कधी हे असं द्रुष्य दिसलं असतं या मोबाईलच्या आविष्कारापूर्वी, तर कदाचित सर्वांना वाटलं असत हा वेडसर आहे. अशी माणसं, आपल्याला बोलत असलेली कायम दिसतात, एवढंच काय सायकलवरूनं जाणारा एखादा दूधवाला भेटेल जो खांद्याला टेकून मोबाईल आणि आपला तोंल सावरत बडबडत चाललेला असतो.
बऱ्याच वेळेला होतं काय कुणी वाहन चालवताना देखील बोलत चाललेला असतो. काय एवढी बिझी असतात माणसं कोण जाणे ! परंतु हे सर्व नियमांविरुद्ध चाललेलं आहे आणि ही गोष्ट खरोखर विचार करण्याची बाब आहे. कारण त्यामुळे अशा दृष्टीकोनातून बघायला हवं की ह्या अविरत मोबाईल प्रेमापायी किती समाजशक्तीचे तास आपण वाया घालवत आहोत याचा सर्वांनी विचार करायला हवा.

अर्थात कित्येक नवनवीन संधी मोबाइलच्या शोधामुळे मिळाल्या आहेत. मोबाईल वापरताना हवं, रोज विशिष्ट वेळी फक्त मोबाईल काही तासच वापरावा, अशी प्रत्येकाने शिस्त लावून घेतली पाहिजे. माझं सकाळी फिरायला जाताना आलेला अनुभव व निरीक्षण फक्त मी तुमच्याबरोबर शेअर केला.
👍" अजून यौवनात आम्ही !":👌
आज मुंबई केंद्राच्या अस्मिता वाहिनीवरील "चिंतन" कार्यक्रमामध्ये, श्री हेमंत कर्णिक यांचे "म्हातारपण" या विषयावर विचार ऐकले. त्याचा सारांश असा की:
👍"विज्ञानाच्या प्रगतीमुळे माणसांचे आयुर्मान आता वाढत आहे आणि त्या उलट पुष्कळ प्रगत देशामध्ये जन्मदर घटत आहे. साहजिकच जेष्ठ नागरिकांची संख्या अधिकाधिक वाढत आहे. शरीराचे म्हातारपण वेगळे आणि मनाचे म्हातारपण वेगळे. शरीराचे म्हातारपण येणे, अपरिहार्य आहे. परंतु आपण मनाला मात्र ताजेतवाने आणि तरुण ठेवू शकता. त्याकरता निष्क्रियता टाळून, काही ना काही तरी उपयुक्त आवडीचा उद्योग करत राहणे, एखादे समाजकार्य किंवा एखादा छंद जोपासणे आणि सतत काही ना काही नवनवीन शिकत राहणे, अशा तऱ्हेने आपले मन तरुण ठेवू शकता. त्यामुळे म्हातारपणाला दूर ठेवू शकता !" 👌

किती छान विचार आज मिळाला ! त्यातील एक उदाहरण तर लक्षात घेण्याजोगे: एक असाच ज्येष्ठ नागरिक, कोरोनाच्या लॉकडाऊनच्या काळात त्याने काय केले? तर घरामध्ये स्वयंपाक करायला शिकला आणि आता तो इतका पारंगत झाला आहे की, घरातीलच काय पण कधी पाहुणे आले, तरी देखील तो त्यांना उत्तम स्वयंपाक करून चांगले खायला घालू शकतो. खरंच छान आहे नाही, हे उदाहरण !

जाता जाता,
👍"कुटप्रश्न १:😊
'सध्या शालिवाहन शक १९४४ शुभकृत नाम संवत्सर चालू आहे.
१ या चक्रवर्ती शालिवाहन राजाचे राजधानीचे ठिकाण कोणते होते?
२ त्याने कोणत्या चक्रवर्ती राजाचा पराभव केला आणि कसा केला होता?

डोके चालवा आणि द्या उत्तर !

धन्यवाद
सुधाकर नातू




👍उत्तरे:
1 पैठणः
2 चक्रवर्ती शालिवाहनाने उज्जैनच्या विक्रमादित्य राजाचा, मातीच्या सैन्यात प्राण ओतून युद्धात पराभव केला.