👍""संगीत कलानिधी मास्तर कृष्णराव !":👌

 👍👍💐💐👍👍💐💐

👍"रंगांची दुनिया !": 👌
💐"रसिकमनांची रसिली यात्रा !💐
👍" आनंद घ्या, आनंद द्या !":👌

👍"संगीत कलानिधी मास्तर कृष्णराव !":👌

कधी कधी ध्यानी मनी नसताना अवचित असे घडून जाते, नवल वाटावे असे. त्यामधून जुन्या आठवणींच्या हिंदोळ्यावर आपण जसे रमतो, त्याचप्रमाणे त्यामधून अनेक मनभावन क्षण आपल्या अंतर्मनात विलक्षण समाधान त्रुप्तीच्या लहरी निर्माण करतात.

आज सकाळी अवचित मला तसा अनुभव आला. "कॅरावान मिनी" सहज मी नाश्ता झाल्यावर लावला मात्र, मुंबई अस्मिता वाहिनी केंद्रावर मला एका चित्तथरारक मुलाखतीचा जो सिलसिला ऐकायला मिळाला तो अक्षरशः अवर्णनीय होता. विख्यात प्रतिभा संपन्न संगीतकार मास्तर कृष्णा यांच्या नातीने त्यांच्या आठवणी तिथे उलगडून दाखवल्या होत्या. मला त्याबद्दल विशेष अप्रूप या करता की, आम्ही जेव्हा सायनला राहायचो, त्यावेळेला तिथे त्यांची मुलगी श्रीमती वीणा चिटको यादेखील त्याच सोसायटीत रहावयाच्या. माझे वडील देखील मास्तर कृष्णांबद्दल अधून मधून खूप काही सांगायचे.
त्यामुळे आम्हाला मास्तर कृष्णांच्याबद्दल खूपच आपुलकी आदर उपजतच होता.

मास्तर कृष्णांच्या कार्यकर्तृत्वावर बोलावे तेवढे थोडेच आहे. त्यांची नात विद्याताई यांच्या
मुलाखती मधून त्या आठवणी आकाशवाणी कोल्हापूर केंद्रावरून प्रक्षेपित करण्यात आल्या होत्या. "वंदे मातरम् सारख्या राष्ट्रीय गीताला सांगणाऱ्या मास्तर कृष्णांच्या संगीतकलेचा अलौकिक वारसा पुढच्या पिढीला ज्ञात व्हावा यासाठी विद्याताईंनी आवर्जून सांगितले की, मास्तर कृष्णांच्या 125 व्या जन्मतिथी निमित्ताने कुटुंबाने मराठीमध्ये एक वेबसाईट निर्माण केली आहे:
www.masterkrishnarao.com ही.
तिच्यावर तिच्यावर मास्तर कृष्णांच्या विविध संगीत रचना देखील ऐकायला मिळतील. ताबडतोब मी स्वतः ही वेबसाईट उघडून पाहिली आणि तिच्यावर विविध अशा प्रकारच्या सुमधुर संगीत रचना त्याचबरोबर मास्तर कृष्णांचे एकंदर जीवनकर्तृत्व मराठीमध्ये दिलेले ही पाहिले अन् मी तृप्त झालो. आपणही वरील वेबसाईट उघडून हा आनंद घेऊ शकता

जाता जाता जी एक अविस्मरणीय गोष्ट मास्तर कृष्णांबद्दल सांगितली गेली. ती म्हणजे मास्तर कृष्णा चित्रपट व नाटकाला संगीत देताना कथानक ऐकत आणि जिथे कुठे गीत हवे आहे हे सांगितले जाई, तेव्हा केवळ त्या प्रसंगानुरूप अशी संगीताची पूर्ण स्वररचना ते त्यांच्या डोक्यात तयार करत कुठल्याही वाद्याच्या सहाय्यविना ! नंतर त्यावर हुकूम पुष्कळदा गीतकार गीत निर्माण करत असे.
कदाचित अशा आगळ्यावेगळ्या तऱ्हेने संगीत निर्माण करणारा मास्तर क्रुष्णराव हे भारतात एकमेव असावेत, अशीही कोणी आठवण सांगितली.

खरंच अशी असामान्य गुणवंत मोठी माणसं दुर्मिळच ! त्यांच्या केवळ आठवणी आपण जागवत रहायच्या, दुसरं काय ?

धन्यवाद
सुधाकर नातू