👍"छोटीशी चूक, मनात धाकधूक !":😢

 👍"छोटीशी चूक, मनात धाकधूक !":😢

साध्या साध्या गोष्टी आपण कधीकधी चुकीने करतो आणि आपल्याला पुष्कळदा मोठा त्रास किंवा नुकसान अथवा एखादा अपघात होऊ शकतो. त्याचे परिणाम पुष्कळ दिवस किंवा काही आठवडे सुद्धा भोगावे लागतात. अशा प्रकारचा अनुभव नुकताच मला आला.

दुपारी चहा पिताना गरम गरम चहा कप बशी मध्ये समोर टीव्ही बघत असताना, बिस्किट चहामध्ये बुडवून खायची प्रक्रिया करताना, कपबशी हिंदकळली कारण एकाच वेळेला अनेक गोष्टी मी करत होतो आणि त्यातून आराम खुर्ची बसलो होतो. त्यामुळे तो गरम गरम चहा माझ्या अंगावर पडला आणि नंतर लक्षात आलं की पोटावर चांगलंच भाजलं होतं. छोटीशीच गोष्ट पण त्यामुळे भाजण्यासारखी त्रासदायक क्लेशकारक दाहक अशी मला जणू शिक्षा मिळाली होतं. काय होत, क्षणात काहीतरी नुकसान होतं अपघात होतो चुका होतात, पण त्याचे परिणाम मात्र पुष्कळ दिवस भोगायला लागतात हे ध्यानात आलं.

असाच दुसरा अनुभव नुकताच मला येऊन गेला होता एका बँकेच्या ऑनलाइन इंटरनेट सेवेमध्ये मी अनेक वेळेला लॉगिन करायचा प्रयत्न करूनही काही केल्या ते जमत नव्हतं. त्यामुळे त्यांच्या कस्टमर केअर आणि इंटरनेट बँकिंग यांच्या आणि माझ्यामध्ये अनेक ईमेल ची देवाण-घेवाण झाली. काही केल्या मला माझा पासवर्ड जो काही होता तो बदलताही येत नव्हता आणि काही केल्या मला लॉगिन करता येत नव्हतं.

हे असं का होतं, होत ते कोणाच्याच लक्षात त्यावेळेला आलं नाही. इंटरनेट बँकिंग वाले असो किंवा मलाही असो. मी आपला बँकेच्या टेक्निकल सेवा कशी खराब आहेत, हेच सांगत राहिलो आणि अखेरीस मला सांगण्यात आलं की ऑनलाईन तुम्हाला आता जमत नसेल तर बँकेच्या ब्रांच मध्ये जाऊन मँनडेट फॉर्म भरा आणि तो पाठवा. त्यावरून परत वाद झाले, ज्येष्ठ नागरिक असताना ऑनलाईन सेवा असताना, हे फॉर्म भरण्याची भानगड कशाला हवी? ऑनलाइन रजिस्टर मोबाईल वरून एकदा रिक्वेस्ट केली की, जे काही नवीन मँनडेट असेल ती ईमेल रजिस्टर्ड मोबाईलवर कां पाठवता येऊ नये, अशी मला शंका आली.

पण अखेरीस करता काय, प्रश्न सोडवण्यासाठी बँकेत गेलो. तिथल्या माणसाने अतिशय उत्तम सेवा दिली आणि त्याने नंतर शोधून काढले की मी जे काही इनपुट्स द्यायचे होते, त्यामध्ये जे काही आकडे होते त्या आकड्यांमध्ये बारीकशी चूक केली होती. जे काही पाच-सहाकडे होते त्यामध्ये शून्य कुठेतरी मध्ये होते ते मी टाकायला विसरलो होतो. ते त्याने बरोबर बँकेच्या सिस्टीम वरून ओळखले. कारण तशी सेवा देखील तिथे होती आणि मी तिच्याकडे दुर्लक्ष केले होते.. नंतर त्याने मला ती माझी लॉगिनची प्रक्रिया पूर्ण करून गेली पूर्ण करून दिली.

म्हणजे याबाबतीत झाले काय, तर माझीच छोटीशी नजर चूक आणि त्यामुळे एवढे सगळे १५ दिवस आटापिटा उगाचच झाला, इतरांनाही आणि मलाही. पण प्रश्न मात्र, ती चूक ध्यानात आल्याबरोबर पटकन सुटला !

धन्यवाद
सुधाकर नातू