"ह्रदयसंवाद-५": "स्मृतिची ती उलगडता पाने":

"ह्रदयसंवाद-५":
"स्मृतिची ती उलगडता पाने":

तीन-चार दशकांपूर्वी काही नियतकालिकातील माझे प्रकाशित साहित्य चाळत असताना, अचानक ह्या माझ्या तीन रचना मला गवसल्या. त्या इथे देत आहे....
"सीमोल्लंघन"!:
हे प्रणयगंध किती अनंत.....
अनंगरंगी हे अनंगरंग....
विविधरंगी ते भावतरंग....
शब्दांचे ते झेल.....
 नजरेचे हे खेळ.....
भावनांचे ते वेल.....
वासनांचे हे मेळ......
आज मर्यादांचे सीमोल्लंघन.....
करिती सर्वस्वाचे समर्पण.....
दोन जीवांचे मीलन ज्वलंत.....
हे प्रणयगंध किती अनंत.....

सुधाकर नातू
###################
"कां?... कां?...कां?...."
भोग, भोगून भागतो कां?
योग, जुळवून जुळतो कां?
राग, रागवून रहातो कां?
प्रीत, रीत जाणते कां?
गीत, गाऊन संपते कां?
वाट, पाहून दमतो कां?
याद, विसरून चालते कां?
वाद, वदवून विझतो कां?
गंध, घेऊन उडतो कां?
नाद, निंदून सुटतो कां?
पाप, पचवून पचते कां?
चाल, चालून चुकते कां?
काळ, कळवून येतो कां?

सुधाकर नातू
###################

"शोध":
उधळूनी अनंगाचे अनंत रंग....
घेऊनी सहवासाचे विविध सुगंध....
शोधिता परी मिळेना.....
प्रीतीची सरी जुळेना....
असे कां, ती भावनांची असोशी....
कां, ती मुळी वासनांची कासाविशी..... काहीच, मुळी कळेना..... तार,कशी ही जुळेना....
अन्
येशी अवचि जीवनी.....
तिला नकोशी, मला हवीहवीशी....
खूपता मज, आसवे तव लोचनी....
सुयश तव, सुहास्य मम आननी.. 
अन्
गवसे, सहजी अर्थ..
एकमेका देई दर्द....
प्रीतिचा हाचि रे गर्भ.....
आपुलकीचे सारे ते मर्म......

सुधाकर नातू....
###################