👍"रंगांची दुनिया !":👌: 👍"टेलीरंजन !":👌

👍"रंगांची दुनिया !":👌 💐"रसिकमनांची रसिली यात्रा !"💐 👍"टेलीरंजन !":👌 🤣"सन टीव्ही मराठी' या वाहिनीने हल्ली कोणत्यातरी दोन मालिका एकत्र आणून 'महासंगम' हा जो नवीन उपक्रम चालू केलेला आहे, तो प्रेक्षकांना न पटणारा आणि अक्षरशः कहाण्यांचा चोथा करणारा असल्यामुळे, टीआरपी वाढायच्या ऐवजी घसरूनही शकतो हे कुणाच्याच ध्यानात कसे येत नाही ?":🤣 अंकित 😇 "स्टार प्रवाह' वरील 'लग्नाची बेडी' ही मालिका नको इतकी मूर्खासारखी लांबवत नेली जात आहे. सिंधूचे दुसरे लग्न हाच मुळात एक न पटणारा प्रश्न ! त्यात भानगडीचे नाटक विशालच्या लफड्यामधून व येनकेन प्रकारे ते उघड करण्याचा राघवचा अट्टाहास उद्वेगजनक वाटतो. ही मालिका खरं म्हणजे केेव्हाच बंद होणे आवश्यक होते ! खूप झाला हा खेळखंडोबा. तीच गोष्ट याच वाहिनीवरील 'आई कुठे काय करते' ह्या मालिकेची !":😇 😂"सन टीव्ही मराठी'वरील 'कन्यादान' आणि 'सुंदरी' या दोन मालिका देखील अशाच कारण नसताना कशाही पुढे पुढे नेल्या जात आहेत. या दोन्ही मालिकांमध्ये अधिक भरकटत जाणारी मालिका कोणती, याची खरं म्हणजे स्पर्धाच लावायला हवी ! तोच प्रकार मालिकाबाह्य असे 'झी टीव्ही मराठी'वरील 'चला हवा येऊ द्या' , 'सोनी टीव्ही मराठी'वरील 'महाराष्ट्राची हास्य जत्रा' कार्यक्रमाचा रतीब, अक्षरशः तमाशा वाटत आहे. त्याच मार्गाने 'स्टार प्रवाह'वरील शीर्षकाला सार्थक ठरेेल असा 'होऊन जाऊ दे धिंगाणा' हा देखील पोरकटपणाचा कळसच ! प्रेक्षकांच्या अभिरुचीला किती रसातळाला नेणार, याचा सादरकर्त्यांनी विचार करावा आणि हे सारे ताबडतोब बंद व्हावेत !"😂 👍" अगदी याच्या उलट 'सोनी टीव्ही मराठी' वरील मालिका 'खरंच तिचं काय चुकलं ?' 'श्रेयस आभा आणि कुहू' हा प्रेम त्रिकोण, दमयंती तिचा भाऊ धनंजय, कुहूचा आते भाऊ अंकित हे खलनायकी स्वरूपात व त्यांना सहाय्य करणारा सिक्युरिटी गार्ड, प्रत्येक भागात उत्तरोत्तर उत्कंठा वाढवत नेतात. अधून मधून फोडणी म्हणून श्रेयस आणि आभाच्या वडिलांचे रहस्य त्यात रंगत वाढवत नेते. जवळजवळ शंभराहून अधिक भाग झालेली ही मालिका म्हणे लवकरच बंद होणार आहे अशी बातमी आहे. प्रेक्षकांची आवड आणि त्यावर अवलंबून असलेले 'टीआरपी'चे गणित खरंच मोठे गुढ एवढंच म्हणायचं !":👌 येथे व्यक्त कळलेली मते माझी वैयक्तिक आहेत शेवटी ज्याची त्याने आपली आवड तपासून मत बनवावी ते उत्तम ! धन्यवाद सुधाकर नातू