" माता पित्यांचे सौख्य आणि पापग्रह योग

"माता पित्यांचे सौख्य व पापग्रह !": जीवनामध्ये माता-पित्यांचे सौख्य लाभणे ही देखील एक भाग्याची गोष्ट असते. सर्वसाधारणपणे चतुर्थ स्थान आणि दशम स्थान यावरून आई आणि वडील यांच्या संबंधित सौख्य आजमावता येते. त्या अनुषंगाने शनि मंगळ काय अनिष्ट प्रभाव पडतात, त्याचप्रमाणे राहू आणि केतूच्या अशा कोणत्या स्थिती असतात की त्यामुळे मातापित्यांच्या सौख्यात बाधा येते अथवा या पापग्रहांचे अनिष्ट योग पत्रिकेत नसले तर अथवा इतर कुठल्या योगामुळे मातापित्यांचे सौख्य एखाद्याला प्रदीर्घ काळ लाभते, हे अभ्यासण्याचा या लेखात आम्ही प्रयत्न करत आहोत. शिवाय आयुष्यामध्ये सहसा नवरा आणि बायको अर्थात आई आणि वडील एकाच दिवशी निधन पावण्याचे उदाहरण दुर्मिळच असते. त्यामुळे या दोघांपैकी कोण अधिक जगणार तेही आजमावण्याचा वेगवेगळ्या उदाहरणांवरून आम्ही प्रयत्न करणार आहोत. आमच्या आठवणीत फक्त एकच उदाहरण असे झालेले होते की, जेव्हा तेथील वृद्ध पुरुष सकाळी निधन पावला आणि ती बातमी ऐकल्यावर त्याची पत्नी ही निधन पावली ! अर्थात त्यांच्या एकुलत्या एका मुलाला एकाच दिवशी आई-वडिलांना गमावले लागले. परंतु अशी उदाहरणे दुर्मिळच आणि अपवादात्मकच असतात. 1 "वडिलांचे अकाली निधन": # पत्रिकेमध्ये वृषभ लग्न असून केतू चतुर्थात आणि राहू दशमात, माता-पित्यांच्या स्थानात आहेत. शिवाय दशमेश शनि अष्टमात असून भाग्य स्थान राहुल शनीच्या पापकर्तरी योगात व केतूच्या शास्तकार असल्यामुळे अगदी बालपणी वडिलांचे अचानक निधन झाले. 2 "आईचे अकाली निधन !": ह्या पत्रिकेेत मिथुन लग्न असून चतुर्थात राहू बरोबर नेपच्यून आणि दशमान केतू बुध आणि गुरु बरोबर लाभस्थानी मंगळशनीची युती व लग्नस्थानावर शनीची दृष्टी आहे. आईचे या मुलाच्या नवव्या वर्षी निधन. 3 "आई दीर्घायुषी !": # या पत्रिकेत सिंह लग्न असून मंगळाचा राजयोग होतो आणि चतुर्थेेश मंगळ लाभात आहे, तर अष्टमातील स्वगृहीचा गुरु चतुर्थस्थानावर दृष्टी ठेवून आहे. 4 "आई वडिल दोघेही दीर्घायुषी !": # या पत्रिकेत कुंभ लग्न असून शुक्राचा राजयोग होतो, शुक्र चतुर्थात स्वगृही बुधाबरोबर तर दशमेश मंगळ चंद्राच्या अन्य अन्य योगात आणि गुरु बरोबर निचभंग योगात आहे. वडील 85 तर आई 89 वर्षापर्यंत जगले. 5 "वडिल दीर्घायुषी !": # या पत्रिकेत मकर लग्न असून शुक्राचा राजयोग होतो आणि भाग्यात उच्चीचा बुध रवी बरोबर आहे, कुटुंब स्थानातील मंगळ मंगल लाभास्थानातील शनि बरोबर अन्योन्य योगात आहेत. वडील 95 वर्ष इतके दीर्घायुषी होते. येथे केवळ प्रातिनिधीक पत्रिका दिल्या आहेत. अशाच प्रकारची अनेक उदाहरणे आपल्याला अभ्यासातून मिळू शकतील. धन्यवाद श्री सुधाकर नातू