👍"टेलिरंजन-"ऐका हो ऐका..... 'इडियट बॉक्स'वरील पुनर्जन्मांची कहाणी !":💐

 👍👍👍👍💐💐

"रंगांची दुनिया":
"रसिकमनांची रसिली यात्रा.....💐
💐"टेलिरंजन !":👌

👍"ऐका हो ऐका.....
'इडियट बॉक्स'वरील पुनर्जन्मांची कहाणी !":💐

👍"प्रारंभी एक प्रामाणिक सूचना !"
जसे अभ्यासू पुस्तकातले किडे असतात तसंच छोट्या पडद्याला चिकटून डोळे वटारुन टीव्ही मालिका बघणारे मालिकाप्रेमी असतात, त्या मालिकाप्रेमींना हा खास खुसखुशीत लेख अर्पण !👌

👍"अशीही, 'बनवा-बनवी' की अंताक्षरी !"💐

💐पुनर्जन्मावर तुमचा वा आमचा विश्वास असो वा नसो, पण मालिकांमधले कलाकार मात्र या मालिकेतून त्या मालिकेत असे सारखे पुनर्जन्म घेत असलेले दिसतात. आता हेच बघा ना "चंद्र आहे साक्षीला" मालिकेमधली विसरभोळी कदाचित स्मृतिभ्रंश झालेली विधवा आई, "अजूनी बरसात आहे" मध्ये डॉक्टर पाठकांची, कुटूंबवत्सल सुलक्षणा पत्नी, आता तर "कन्यादान" मधली सूनेला-ओवीला छळ छळ छळणारी विधवा आशालता देखील तीच ! "चंद्र आहे साक्षीला" मधला मूल व्हावं, म्हणून गरीब बिचाऱ्या तरुणीला प्रेमाच्या जाळ्यात फसवणारा बनेल माणूस, पूर्वी तरुणपणी "कळत नकळत मध्ये असाच मुलींना फसवत होता हे कसे विसरता येईल? तर "कळत नकळत" मध्ये जी तरुणी मधुरा फसली गेली, ती आता छोटीशी ओळख म्हणून "रंग माझा वेगळा" मधील दीपाचा आधार बनली ! हीच पुढे अगदी सालस गरीब बिचाऱ्या रूपात "सोनी"वरील "जाऊ नको रे बाबा दूर" मधली गौतम जागीरदार यांची पत्नी की हो झाली ! हे गौतम जागीरदार "चंद्र आहे साक्षीला" मध्ये त्या बनेल माणसाला शह देणार्या दमदार व्यक्तिमत्व पहायला मिळाले !💐

💐"कलर्स" वरील 'कमला' मालिकेतील देवाशिष या पत्रकाराची पत्नी, आता झी टीव्ही मराठीवरील "येऊ कशी मी नांदायला" मधल्या स्वीटूची आई 'शकू' बनली आहे. तर 'कमला' मधला धडाडीची शोधपत्रकार देवाशिष, आता "स्टार प्रवाह" वरील "स्वाभिमान"मालिकेतला प्राध्यापक शांतनु सूर्यवंशी झाला आहे. कमला मधली देवाशिषची आई ही तर खूप खूप पूर्वी सह्याद्री वरील त्यावेळेच्या दूरदर्शन वरील श्वेतांबराची आई झाली होती. सह्याद्री वरून आठवले तेव्हाचे दूरदर्शन वरून आठवले, पहिली मालिका आभाळमाया मधली प्राध्यापिका आता कलर्स मध्ये 'घाडगे अँड सून'मधील सासू बनूली, तीच पुढे कलर्स वरती "शुभमंगल ऑनलाईन मध्ये शर्वरीची सासू झाली. या मालिकेतील शर्वरीचे वडील आता कन्यादान मध्ये अशोक वाडकरांच्या डॉक्टर मित्र बनून प्रॅक्टिस करत राहिले! तर तरीही शर्वरी 'काहे दिया परदेस' मध्ये गौरी झालेली, तर गौरीचे वडील सावंत हे आता 'तुझी माझी रेशीमगांठ' मध्ये उद्योगपती जग्गू चौधरी बनले 💐

💐"जिवलगा" मालिकेमधील मधुरा चे सासरे हे आता डॉक्टर पाठक बनून "अजुनी बरसात आहे" मध्ये डॉक्टर मीरेचे सासरे आणि डॉक्टर अधिराजचे वडील म्हणून अवतरले आहेत. "स्वामिनी" मालिकेतील माधवराव पेशव्यांची पत्नी रमा बनलेली अभिनेत्री आता 'लग्नाची बेडी' या स्टार प्रवाह वरील मालिकेत पोलीस अधिकारी राघव रत्नपारखीच्या प्रेयसीच्या नव्या रुपात आली आहे. तीच गोष्ट 'लेक माझी लाडकी' या मालिकेतील लाडकी लेक आता "लग्नाची बेडी" मध्ये पोलिस अधिकारी असलेल्या आप्पांची लाडकी मुलगी बनून आलेली आहे ! तिच्या मागे हात धूवून लग्नाची मागणी करणारा मवाली हा अभिनेता तर "फुलाला सुगंध मातीचा" मालिकेत दहशतवादी अतिरेकी होता !👌

💐या मालिकेवरुन आठवले, तिथे पोलीस इन्स्पेक्टर बनू पहाणारी नायिका कीर्ती ही "लक्ष्मी सदैव मंगलम" मधली अडाणी 'लक्ष्मी' होती ! तसंच या मालिकेतील नायिकेचा भाऊ जो अमेरिकेला जाण्यासाठी, तिचं लग्न तिला अंधारात ठेवून, अडाणी भजी तळणाऱ्या तरुणाशी शुभम् बरोबर करून देतो. त्याची गर्भवती पत्नी, आता सोनी वाहिनीवरील "अजूनही बरसात आहे" मालिकेमधल्या मल्हार ची विवाहापूर्वी गर्भवती राहणारी 'मनु' आहे ! हाच शुभम सोनी वरील "सारे तुझ्याच साठी" असे जिला सांगत होता, ती तर झीमराठीवर "माझा होशील ना?" असा "अवंतिका" च्या मुलाला प्रश्न करीत राहीली!💐

ही बहुरूपी पुनर्जन्माची कहाणी, मारुतीच्या शेपटासारखी, म्हणावी तितकी लांबवत नेता येईल, जशा मालिका लांबवत नेतात तशी ! कोणतीही मालिका केव्हाही पहा, त्यामधील एखादे पात्र घेऊन तुम्हाला ही अशी अंताक्षरी खेळता येईल, इतक्या मालिकांचा महासागर पात्रांच्या पुनर्जन्मा सहित आपल्या भोवती आपल्याला वेढा देऊन बसला आहे. इंडियट बॉक्स वरील पुनर्जन्मांच्या या कहाणीचा सखोल अभ्यास करून पीएचडी मिळवण्या इतकी क्षमता प्रस्तुत लेखकाला आहे, हे आता ध्यानात आले असेलच. पण सध्या इतकेच पुरे. आपण देखील चौकस व सूक्ष्म नजरेने टीवीवर मालिका बघत राहा आणि कोण कुठला अवतार घेतं, त्याचे असेच मजेशीर निरीक्षण करत राहा !

( "या मालिकेतून त्या मालिकेत पुनर्जन्म" घेत रहाणारी ही पात्रे म्हणजे कोण कोणते कलाकार ते ओळखा पाहू!)

👍"अशी ही (बनवा बनवी ?) जवळीक !":
"माझ्या वडिलांच्या आईचं माहेर जरी जोगळेकरांकडे असलं, तरी "आई कुठे काय करते" या मालिकेतील अरुंधती जोगळेकरच, तिच्याशी काही नातंच नाही ! मात्र याच मालिकेतील "कांचन" आजींच गांव आहे, ते आंजर्ले गांव मला खूप जवळचं आहे, कारण माझं आजोळ आहे आंजर्ले आहे ! अर्थातच कांचनआजी जशी आंजर्ल्याची माहेरवाशीण तशीच माझी आई देखील ! 'अरुंधती' नांवावरून आठवलं की, माझं ज्योतिषविषयक लेखन जसं प्रथम पुण्याच्या "रोहिणी" मासिकातून सुरू झालं, तसं चित्रपट/नाटक विषयक "हा खेळ सावल्यांचा !" हे माझं सदर प्रथम "अरुंधती" या नागपूरच्या मासिकातून सुरू झालं होतं !

हे या मालिकेबद्दल बोलायचं झालं, तर "जीव माझा गुंतला" मालिकेमधील "सुधाकर" हा मल्हारचा काका, तसा मी नव्हे, त्याचा माझा काहीही संबंध नाही, कारण या "सुधाकर"काकासारखा मी बनेल नाही ! तसंच "एकच प्याला" नाटकामधला "सुधाकर" देखील मी नव्हे, कारण मी तर दारूला कधीही स्पर्शही करत नाही ! "सन" टीव्ही वरील 'कन्यादान' मालिकेमधला "समीर" हा जसा कमालीचा मातृभक्त आहे, तसाच माझा मुलगा समीर देखील, परंतु तो 'समीर' बनेल आहे, नको इतका स्वार्थी आहे, माझा 'समीर' मात्र साधा सरळमार्गी आणि कर्तव्यदक्ष आहे.

धन्यवाद
सुधाकर नातू