#👍""रसिकमनांची रसिली यात्रा !💐#

 👍"रंगांची दुनिया 👌

💐"रसिकमनांची रसिली यात्रा !💐

# "काळाच्या तात्कालिक गरजेप्रमाणे, काळाच्या ओघात, नेहमीच समर्थ पर्याय निर्माण होत असतात. Nobody is indispensable. अमूकच व्यक्ती पर्याय होईल, ह्याची कुणालाच कधीही खात्री देता येत नाही, आजवरचा इतिहास हेच सांगतो. भाबडी आशा बाळगण्याखेरीज, आपण काहीही करू शकत नाही. जे जे जसे जसे घडत रहाते, त्याचाच परीपाक उद्या घडत असतो आणि हे चक्र अव्याहतपणे चालू रहाणे हा निसर्गनियम आहे. अखेरीस, सुयोग्य परिस्थितीच अपेक्षित पर्याय पुढे आणते."

-------------------------

# "नियतीचे खेळ!":

"गरज ही शोधाची जननी, तशी वेदना ही नवनिर्मितीची, प्रतिक्षा ही फळाची, मीमांसा ही टीकेची, अन्याय वा उपेक्षा प्रतिशोधाची, बंधने ही मुक्ततेची, स्फूर्ती ही प्रतिभेची माता होय. देणे-घेणे, सोसणे-पुसणे, करणे-भरणे, रूसणे-हसणे, उमलणे-फुलणे-कोमेजणे असे नियतीचे खेळ हे सारे चालती अव्याहत !"

--------------------------

# "माणसे ओळखा !":

"जगात नेहमी तीन प्रकारची माणसं असतात. पहिला प्रकार त्यांचा जी तुमच्या वर निरपेक्ष, प्रामाणिक प्रेम करतात, त्यांची तुमच्याकडून काहीही अपेक्षा नसते. तर दुसऱ्या प्रकारच्या माणसांचे असे असते की, ती तुमची नेहमी द्वेष करतात त्यांच्याशी तुमचे पटणे कधीच शक्‍य नसते. तर तिसऱ्या प्रकारची माणसे ही आपल्या स्वार्थापोटी प्रेम आहे असे तुमच्यावर दाखवत राहतात, त्यामुळे त्यांचा स्वार्थ पुरा करूनच तुम्हाला त्यांना मॅनेज करावे लागते."

👍 "कन्यादान" सन टीव्ही मालिका: माधवकाकांचे बोल.

---------------------------

#" खेळखंडोबा बातम्यांचा?:

बहुतेक सर्वच व्रुत्तवाहिन्या दर अर्ध्या तासानंतर जवळजवळ त्याच त्याच बातम्या, नेहमी दाखवतात. आत्ताही जुनीच दुपारची टेप वाजवलेली पहायला मिळत आहे. फक्त बातम्या देणारे बदलले जातात. ताज्या बातम्या अपवादानेच दाखवल्या जातात. ( पूर्वी 

ई टीव्हीवर दर तासाभराने शक्यतो ताज्या घडामोडींचा परामर्ष घेतला जाई. ) त्यात मधे मधे जाहिरातींचा मारा तो वेगळाच.

अक्षरशः उबग येतो तेच तेच ऐकून व पाहून. कधी कोण कसे बदलणार हा खेळखंडोबा बातम्यांचा?

-----------------------------

# "कोड़े: कधीही न सुटणारे !":

माणूस मरतो, तेव्हाच कां मरतो? कुणी जन्मत:च, तर कुणी बालपणी वा कुणी एेन तारूण्यांत, तर काही प्रौढपणी, तर काही वृद्धापकाळी हे जग सोडून जातात. प्रत्येकाचे मरतेवेळी वय भिन्न असते, असे कां?

आगगाडीतील प्रवास करताना जसा जो तो आपले स्थानक आले की उतरून जातो, तसाच हा सारा प्रकार असतो ! पण आपले 'तिकीट कुठपर्यंतचे आहे ते कुणालाच माहीत नसते. आयुष्य हे क्षणभंगूर आहे ह्याची जाणीव, कुणी मरण पावल्याची बातमी कानी येते, तेंव्हाच होते.

ह्या जगांत प्रत्येकाचे काही विशिष्ट प्रयोजन असावे, तेव्हढे झाले की त्याला 'राम' म्हणावा लागतों ! पुष्कळ वेळी सारी कामे वा आकांक्षा पूर्ण न करता, माणसाला येथून निरोप घ्यावा लागतो. थोडक्यात, जीवन आणि मरण हे कधीही न सुटणारे कोडे आहे !

--------------------------

# "समाधानाची सप्तपदी": लिंक उघडा:

https://youtu.be/g_OqskZbfxg

व मिळवा ताणतणावापासून मुक्ती:

१. डोके वापरा

२. दृष्टी बदला.

३. जीभेला आवरा

४. हाताने नेहमी देत रहा.

५. ह्रदयापासून प्रेम करा.

६. मन काबूत ठेवा.

७. पायाने चालत रहा.

--------------------------

धन्यवाद

सुधाकर नातू