👍 "बोल अमोल, वाचता वाचता वेचलेले !":👍

👍 "बोल अमोल, वाचता वाचता वेचलेले !":👍 💐जीवनाची रेल गाडी ना कळे नेते कुठे तिकिटावरील तरी स्टेशनचे नावही नाही कुठे गोष्टी तशा तर खूप आम्ही एकमेका सांगतो जायचे कोणा कुठे कोणी कुणाला सांगतो आहे कुणी टीसी परी हे ना कुणा समजायचे एकटा तो फक्त जाणे कोणा कुठे उतरायचे फेकतो वाटेत त्याला उचलूनी खिडकीतूनी सांगतो की खूप आहे सवय त्याची ही जुनी !":💐 # वा वा पाटणकर ##################### 👍 बोल अमोल, वाचता वाचता वेचलेले !":👍 💐" शब्द घाव घालतात स्वर लळा लावतात. शब्द लक्षात राहतात किंवा विसरले जातात स्वर चित्तात भिनून जातात. शब्द एखाद्याचे कान पकडतात स्वर गळामिठी मारतात. शब्दांना अर्थाची अट असते स्वरांचे भावाशी सख्य असते. वक्तृत्वाने ऐकणाऱ्याला आनंद मिळतो संगीताने स्वानंदाचीही ग्वाही मिळते !":💐 # प्राध्यापक राम शेवाळकर. ################## 👍 बोल अमोल, वाचता वाचता वेचलेले !":👍 💐"खरंतर कुणाचंच कधी काही राहून जात नाही. कारण पूर्वजन्मीच्या संचितानुसार प्रत्येक मनुष्य या जन्मी आपल्या कर्माचे माप पूर्ण करतो आणि या जगातून आपला कर्मानुबंध घेऊन निघून जातो. कुणाचं काही करण उरत नाही आपल्या पूर्वजन्मीच्या प्रेरणेनुसार प्रत्येकानं बिनबोभाट आपलं काम करावं आणि या जगातून चालतं व्हावं !":💐 # भा. द. खेर ################## 👍 "बोल अमोल, वाचता वाचता वेचलेले !":👍 💐"माणसाचं आयुष्य म्हणजे चांगली 70-80 वर्षे टिकणारी मोठी पाटी असते माणूस मोठ्या प्रेमाने लहानपणापासून त्या पाटील आपली स्वप्न आकांक्षा अपेक्षा संकल्प सतत टाकत असतो पण वर्षामागून वर्षे राहतात उलटत राहतात आणि त्या पाठीतल्या अनेक इच्छा आकांक्षा स्वप्निल वाटचालीत केव्हा गळून पडली हे कळतही नाही मग त्याला कळते ही पाटी नसून चाळणी आहे आणि चाळणीतून निष्ठा गेलेल्या अनेक गोष्टींबद्दल फक्त खंत करण्यापलीकडे त्याला काहीही करता येत नाही निसटून गेलेल्या आकांक्षा इच्छा वा स्वप्न आपल्या जवळ राहिली असती तर आयुष्य आपलं किती वेगळं झालं असतं याची फक्त स्वप्न त्याच्या डोळ्यापुढे स्वप्न पुरतात !":💐 # वसंत सबनीस ###########@### 👍 बोल अमोल, वाचता वाचता वेचलेले !":👍 💐 " ही कादंबरी एका महत्त्वाच्या प्रश्नाला वाचा फोडते माणसाला स्वतःचे निर्णय स्वतः घेण्याचे स्वतःचे भागदेय ठरविण्याचे स्वातंत्र्य असते कां? प्राचीन काळापासून प्रचलित असलेले नियतीवादी तत्त्वज्ञान आणि आधुनिक जैव रसायनशास्त्र आणि मानसशास्त्र यामधील संशोधक याचे नकारार्थी उत्तर देतात. जीव जन्माला येतो तो त्याच्या इच्छेविरुद्ध आणि मृत्यू सुद्धा पावतो तो त्याच्या इच्छेविरुद्ध. या दोन बिंदूंच्या मधल्या आयुष्यावर त्याचे कुठलेही नियंत्रण नसते. असंवेदनशील असंगत अलिप्त आणि अमानुष व्यवस्थेमध्ये मानवी जगण्याची अपरिहार्य अर्थहीनता आणि अनिश्चितता अधोरेखित करणारी अशी ही अर्थसधन कादंबरी आहे !":💐 # लेखक डाॅ. गजानन मालोकार ############# धन्यवाद श्री सुधाकर नातू