#👍"शब्दांच्या पलिकडले!:👌

 👍👍👍👍💐💐

"रंगांची दुनिया":

"रसिकमनांची रसिली यात्रा.....💐

#👍"शब्दांच्या पलिकडले !":👌

संस्कृत ही मजेशीर भाषा आहे इथे शब्द चालवायला लागतात क्रियापद चालवायला लागतातळ म्हणजे अहम आवाम् वयम किंवा चुकोप चुकूपुतु चुकूपुतूः

अशाप्रमाणे तसाच हा प्रकार दोन शब्दांचा पहाः

"धाडस आणि धीटाई या शब्दांमध्ये, संकटाला सामोरं जाणं हे अभिप्रेत असतं, हे खरं आहे परंतु त्या दोन्ही मध्ये सूक्ष्म फरक आहे, हे असं मला वाटतं. धीटाई म्हणजे ज्ञात, परिणामांच्या व्याप्तीची पूर्ण कल्पना असलेल्या संकटाला सामोरं जाणं, तर धाडस म्हणजे अज्ञात अंधकारात काहीही कल्पना नसणाऱ्या परिणामांची कुठलीही पर्वा न करता उडी घेणं, म्हणजे धाडस असा सूक्ष्म फरक धाडस आणि 

-----------------------------

# 👍"ज्याची त्याची आवडनिवड !":👌

प्रवासाची आवड ही सर्वसामान्य आहे बहुतेक जणांना ती असते काहीजण मात्र प्रवासाला एवढे उत्सुक नसतात मी देखिल कदाचित त्या वर्गात मोडतो. अशा लोकांना घरकोंबडा म्हणतात. प्रवासाला जाणारे मोठ्या मजेत सांगत असतात "मी हम्पीला वा कुर्गला गेलो, मी अलिबागला गेलो, मी वाईला गेलो तर काही पुढारलेले फाँरेन ट्रीपस् चे तुणतुणे फुशारकीने ओरडून ऐकवतात...वगैरे वगैरे 

निसर्गाच्या सानिध्यात वेगवेगळ्या प्रदेशात वेगवेगळ्या प्रवासात आणि वेगवेगळ्या माणसांच्या सहवासात जाणं अनुभव त्यांना खूप आवडतं. परंतु मला मात्र तसं काहीही वाटत नाही, कां ते माहित नाही, परंतु वाटत नाही हे खर आहे. कशाला उगाचच आपल्या जीवाला प्रवासातील अनिश्चिततेचा घोर लावून घ्या ! हे सर्व आपल्याला घरबसल्या एखाद्या फोटोंमधून किंवा व्हिडिओज मधून बघता कां येणार नाही ! तंत्रज्ञानाच्या किमयेने तुम्ही जगातील म्हणाल त्या शहरात सैर करून आल्याचा अनुभव घेऊ शकता ! 

माझे विचार कसे खरोखरच जगावेगळेच आहेत. तरी मला असल्या खटाटोपापेक्षा वाचन आवडतं. पुस्तकं वाचावीत, दिवाळी अंक वाचावेत. त्यामध्ये प्रत्येक लेख प्रत्येक कथा प्रत्येक कलाकृती म्हणजे जणू काही माझ्यासाठी पंढरपूर काशी किंवा नैनिताल असते. कारण तिथे अनेकांच्या वैविध्यपूर्ण अनुभवांचा जो काही घोषवारा लाभतो, त्यामधून जो आनंद ह्या प्रवास करणाऱ्यांना मिळतो, तसाच मला मिळतो. आत्ताच उदाहरण पहा: "वाडा चिरेबंदी" नाटकासंबंधी चंद्रकांत कुलकर्णी यांचा लेख वाचत होतो. त्या खेडेगावातील कौटुंबिक जीवनाचा भावकल्लोळाचे गहिरे रंगरूप समोर आलं. त्यामधून मला ते, जे अनुभवायला मिळालं ते जणू त्या त्या गावाला त्या माणसांत वावरल्यासारखच भासलं ! म्हणूनच कशाला जायचं बाहेर भरपूर वाचावं. विविध वयोगटातील व तितक्याच विविध सामाजिक आर्थिक स्थरावरील मंडळींच्या जीवनातले विविधांगी अनुभव मनोमन वेचावेत, अशा मताचा व अशा प्रवृत्तीचा मी आहे. खुशाल तुम्ही घरकोंबडा मला त्याची पर्वा नाही.

😊 "चवीने जीवन कसे जगत रहावे व मन अधिकाधिक समाधानाने सम्रुद्ध कसे करावे", 

हे अशा वाचनप्रेमामुळे उमजते!"☺️

-----------------------------

# "आर्थिक गरिबीचीच नेहमी खूप चर्चा होते. तशी ही गरिबी, हा एक जटील व न सुटलेला प्रश्न राहिला आहे, हे सत्य जरूर आहे. पण माणूस म्हणून जगताना, ठायी ठायी दिसणार्या 'वैचारिक आणि नैतिक गरिबी' चं काय? ती दूर होणं, नितांत आवश्यक नाही कां? प्राधान्याने, ह्याच समस्येवर विचारमंथन घडणे, अत्यावश्यक नव्हे कां?"

-----------------------------

# 😢 "'गरिबी हटाओ !":😊

आर्थिक गरिबीचीच नेहमी खूप चर्चा होते. तशी ही गरिबी, हा एक जटील व न सुटलेला प्रश्न राहिला आहे, हे सत्य जरूर आहे. पण माणूस म्हणून जगताना, ठायी ठायी दिसणार्या 'वैचारिक आणि नैतिक गरिबी' चं काय? ती दूर होणं, नितांत आवश्यक नाही कां? प्राधान्याने, ह्याच समस्येवर विचारमंथन घडणे, अत्यावश्यक नव्हे कां?

-----------------------------

धन्यवाद

सुधाकर नातू