# 👍"सिंहावलोकन, गेल्या दोन वर्षांचे !":

 "सिंहावलोकन, गेल्या दोन वर्षांचे !":

९ मार्चला, करोना महामारीचे महासंकट आपल्या येथे सुरू झाल्याला दोन वर्षे पूर्ण होतील. ही दोन वर्षे संपूर्ण जीवनशैलीमध्ये उलथापालथ घडवणारी आणि आणि माणसा माणसांमधल्या नात्यांमध्ये नको ते बदल आणि दुरावा निर्माण करणारी, अनेक प्रकारची कौटुंबिक, आर्थिक, व्यावसायिक आणि इतर अनेक प्रकारच्या आव्हानांना संकटांना सामोरे जायला लावणारी ठरली.

माणसाचे हे वैशिष्ट्य की, तो अशा प्रसंगी डगमगून न जाता, आपल्या समोरच्या सर्व प्रकारच्या संकटांना तोंड देतो, त्यातून मार्ग काढतो, नव्या संधी शोधतो, असा इतिहास आहे. त्याच्या या विजिगीषू वृत्तीवरच ही मानवजात पृथ्वीवर आतापर्यंत टिकून आहे. अशावेळी, अकस्मात युक्रेन रशिया युद्धाचे काळे ढग, साऱ्या जगावर पुनश्च दुःखाचे संकटांचे वर्षाव करणार, अशी परिस्थिती निर्माण झाली आहे, हे खरेच. परंतु आता मागे वळून पाहताना, आपण प्रत्येकाने ही दोन वर्षे कशी घालवली त्याचा आढावा घेणेही गरजेचे आहे. काय काय पाहिले, काय अनुभवले आणि त्यामधून काय मिळवले, काय दिले ह्याचे सिंहावलोकन करण्याची ही संकल्पना आहे.

म्हणूनच, इतर सर्व वैयक्तिक, खाजगी बाबी वगळून, आपल्या मागील दोन वर्षांतील अनुभवांसंबंधीची

ही छोटीशी प्रश्नावलीः

#आपण फावल्या वेळाचा उपयोग कसा केलात?

#आपले आत्मनिरीक्षण केले कां?

#आपल्या छंदांसंबंधी व वैयक्तिक

आत्मविकासासाठी काय केले?

# आपण काय वाचले, त्यातील काय भावले?कां?

# आपण नाटक चित्रपट पाहू शकलात कां आणि ते कोणते, त्यातून काय पाहिले, काय मिळाले?

# ऑनलाइन कार्यक्रम पाहिलेत का सहभागी झालात कां? त्यांचा अनुभव काय?

# इतरांना वा समाजाला उपयोगी अशी काही कामे व योगदान देण्याचा तुम्हाला योग आला कां आणि तो कोणता? कसा?

या व्यतिरिक्त आपल्याला कोणत्याही प्रकारचा प्रतिसाद निरीक्षण करायचे असले तर तेही नमूद करावे.

अशा निरीक्षणातून, आपल्याला पुष्कळशा नव्या नव्या गोष्टी एकमेकांपासून शिकता येतील, देता वा घेता येतील, म्हणून हे सुचले. ही संकल्पना यशस्वी व्हावी यासाठी आपल्या सक्रिय सहभागाची, प्रतिसादांची अपेक्षा आह

धन्यवाद.

सुधाकर नातू