"पुढचं पाऊल":
अर्थात्
"आगामी आठवड्याचे वैशिष्ट्यपूर्ण राशीभविष्य:
१० नोव्हेंबर'१९ ते १६ नोव्हेंबर'१९:
अपेक्षा व प्रयत्न ह्यांची ग्रहस्थित्यंतरावरून काढलेल्या अनुकूल गुणांवर आधारित योग्य ती सांगड घालून जीवनांत समाधानाची दिशा दाखविणारे अभिनव साप्ताहिक राशीभविष्य!"
"विलक्षण संस्मरणीय आठवडा":
ह्याही आठवड्यात ग्रहांचे अनेक षडाष्टक योग आणि केंद्र योग एकापाठोपाठ एक होणार आहेत. त्यामुळे हा आठवडाही वेगळे वळण देणारा आणि अनेक प्रकारच्या उलथापालथींच्या घटनांचा असू शकेल असा होरा मांडता येईल. तेरा आणि चौदा ह्या तारखा त्या दृष्टीने अत्यंत महत्त्वाच्या आहेत.
बदलत्या काळाचा महिमा पहा, जे आजपर्यंत वर्षानुवर्षे कधीही शक्य नव्हतं, तसेही काही घडू शकतं.
बघूया काय पुढे वाढून ठेवले आहे ते!
"तुम्हीच तुमच्या जीवनाचे शिल्पकार"!:
ह्या सार्या पार्श्वभूमीवर, केवळ नशिबावर हवाला ठेवून पुढे जायचं की, आपल्या स्वकर्तृत्वावर भरोसा ठेवून, योग्य तऱ्हेने मार्ग काढत आपल्याला हवे असलेले समाधान मिळवायचं हा ज्याचा त्याचा प्रश्न आहे.
त्या प्रश्नाचं ज्योतिषातील नियमांनुसार ग्रहबदलांप्रमाणे, प्रत्येक राशीला किती दिवस शुभ ह्यानुसार, अनुकूल गुण देऊन एकमेवाद्वितीय अशी राशिभविष्याची आम्ही पद्धत शोधली. ती चार दशकांची लोकप्रिय पद्धत , तुम्हाला अपेक्षा आणि प्रयत्न ह्यांची योग्य ती सांगड त्या त्या काळातील तुमच्या राशींच्या अनुकूल गुणांवरून दाखवू शकेल अशी ती संकल्पना आहे. तिचा अवलंब करून, आपल्या नशिबाचे सुकाणू स्वतःच्या हातात घ्या हे सांगते.
"परिस्थितीचा लपंडाव":
परिस्थिती व आपण ह्यांचा पाठशिवणीचा खेळ कायमच चालतो. कधी, परिस्थिती आपल्यावर स्वार होते, तर कधी, आपण परिस्थिती काबूत ठेऊ शकतो..आणि सर्वात महत्वाचे म्हणजे, परिस्थिती व आपण ह्यामध्ये, आपले मन असते. सदैव बदलत्या परिस्थितीची आव्हाने समजून, तिच्याशी जुळवून कसे घ्यायचे, किंवा परिस्थिती मधून, आपल्याला अनुकूल संधी, कशा निर्माण करायच्या, ते आपले मनच आपल्याला दाखवू शकते. मन ज्या द्रुष्टीने परिस्थितीकडे पाहिलं, तशी ती चांगली वा वाईट वाटेल. म्हणून मनाशी संवाद साधत रहा आणि चपखल मार्ग निवडा. अनुकूल गुण तुमच्या मनाला अपेक्षा व प्रयत्न ह्यांचा समतोल कसा साधायचा मार्ग दाखवू शकतील.
म्हणूनच आम्ही म्हणू शकतो की:
"तुम्हीच तुमच्या जीवनाचे शिल्पकार"!
"नशीबाच्या परिक्षेचा निकाल":
येत्या आठवड्यातील प्रमुख ग्रहबदल: मंगळ १० तारखेला कन्येतून तुळा राशीत तर १६ तारखेला रवि व्रुश्चिक राशीत जाईल, तर चंद्राचा प्रवास मीन, मेष व्रुषभ व मिथून राशी असा होणार आहे.
ह्या आठवड्यात, एकंदर ग्रहमानात सुधारणा होत असल्याने अनुकुल गुणात राशीनिहाय तशीच वाढ होणार असून, आघाडीवरील राशीची जागा आता कुंभ रास घेईल व त्यामागोमाग मिथून राशी नशीबवान ठरेल. तर मकर रास नेहमीप्रमाणे तळालच असणार आहे.
उत्तरोत्तर असेच अधिकाधिक मार्गदर्शक बदल आम्ही करत जाणार आहोत. आपल्याला काय अनुभव येतात ते जरुर टिप्पणींत लिहावे. आमच्या ह्या ज्योतिष संशोधन प्रयोगाला दिशा मिळू शकेल.
१. "राशीनिहाय नशीबाची गटवारी":
१० नोव्हेंबर'१९ ते १६ नोव्हेंबर'१९ ह्या आठवड्यातील ग्रहस्थितीनुसार बाराही राशींच्या नशिबाचे गुण व गटवारी ही अशी आहे:
पहिला उत्तम गट: कुंभ, मिथून व सिंह
दुसरा शुभ उजवा गट: कर्क, मेष, कन्या व धनु
तिसरा मध्यम गट: मीन, तुळा
चौथा कष्टाचा डावा गट: व्रुश्चिक व्रुषभ व मकर
पाचवा कटकटींचा तळाचा गट: कोणीही नाही.
२. "राशीनिहाय नशीबाचा अनुकूल गुणतक्ता ":
आता मागच्या आठवड्याचे तुलनेत येणार्या आठवड्याचे, वरील पद्धतीने अनुकूल गुण व क्रमांक प्रथम, तर कंसात मागील आठवड्याचे गुण व बारा राशीत क्रमांक असे आहेत:
(एकूण ४९ गुणांपैकी)
चंद्र राशी अनुकूल गुण बारा राशीत
क्रमांक
१ मेष ३४ ( ३८ ) ५ ( १ )
मागच्या आठवड्यापेक्षा गुणांत घसरण व क्रमांकात इतरांची परिस्थिती सुधारल्याने खालची पायरी. नोकरीतील प्रगती मध्ये विघ्नसंतोषींच्या आडमुठ्या धोरणाला मोडून तुम्हाला अधिकार व चांगली आर्थिक स्थिती निर्माण कराल. प्रवासात थोडी काळजी घ्या. होतील. कौटुंबिक सुखसमाधानाचे दिवस.
२ व्रुषभ २३ ( १५ ) ११ ( ११ )
मागच्या आठवड्यापेक्षा गुण बर्यापैकी वाढले परंतु इतरांची परिस्थिती सुधारल्याने राशींच्या स्पर्धत तीच जागा. नोकरी व्यवसायात नको ती जबाबदारी त्यामुळे मनस्ताप. आर्थिक नियोजन सावधानतेने करा. कौटुंबिक वाद टाळा व प्रवासात विलंब व नुकसानीचा धोका.
३ मिथून ३९ ( ३४ ) २ ( ४ )
मागच्या आठवड्यापेक्षा गुण वाढले. त्यामुळे क्रमांक सुधारला. आर्थिक व्यवहार फायदेशीर. नोकरी व्यवसायात महत्वाचे निर्णय यशस्वी त्यामुळे प्रगती व भरभराट. तब्येत उत्साही राहील. जोडीदाराच्या तब्बेतीची थोडी चिंता.
४ कर्क ३५ ( ३७ ) ४ ( ३ )
मागच्या आठवड्यापेक्षा गुणात व क्रमांकात किंचित घसरण. नोकरीत तुमचे बोलणे संभाळून करावे. अर्थव्यवहार मनाजोगते. दूरचे प्रवास व नवीन ओळखी होतील. कौटुंबिक मंगल प्रसंग.
५ सिंह ३९ ( ३२ ) ३ ( ५ )
मागच्या आठवड्यापेक्षा गुण चांगले वाढलेत. स्पर्धेत तुमची गाडी योग्य मार्गाने. नोकरी व्यवसायात अधिकार व समाधानकारक स्थिती. आर्थिक व्यवहार उत्तम. मानसिक चिंता दूर होतील. म्हणूनच धावपळीत तब्बेतीची काळजी घ्या. कौटुंबिक समाधान.
६ कन्या ३४ ( ३१ ) ६ ( ६ )
मागच्या आठवड्यापेक्षा गुणांत व क्रमांकात थोडी वाढ इतरांची परिस्थिती सुधारल्याने आपण स्पर्धेत त्याच जागी! नोकरीत व्यवसायात तुमचा उत्साह व अर्थार्जन सुधारेल. मात्र आपल्या कुटुंबातील वडीलधाऱ्या मंडळींकडे वेळीच लक्ष द्या.
७ तुळा ३० ( २६ ) ९ ( १० )
मागच्या आठवड्यापेक्षा गुणात तर वाढ, इतरांची परिस्थिती सुधारल्याने क्रमांकात एकच पायरी पुढे.
आर्थिक ओढाताणीमुळे मानसिक चिंता. नोकरी व्यवसायात मन लावून काम करा, तुमचा फायदा होईल. तरच तुमच्यावरील जबाबदारी पार पाडू शकाल. कौटुंबिक वादविवादात तटस्थ रहा.
८ व्रुश्चिक २३ ( २७ ) १० ( ८ )
मागच्या आठवड्यापेक्षा गुणांत व क्रमांकात घसरण. वाढत्या स्पर्धेमुळे नोकरी व्यवसायात ताणतणाव व प्रतिकूल घटना, वरिष्ठ नाराज. आर्थिक व्यवहारात नुकसानीचा धोका होऊ शकेल सावध रहा. कौटुंबिक असमाधान.
९ धनु ३२ ( २६ ) ७ ( ९ )
मागच्या आठवड्यापेक्षा गुणांत थोडीफार वाढ परंतु क्रमांकात घसरण कारण इतर राशीना ग्रहांच्या अनुकुलतेमुळे अधिक गुण. नोकरीतील जबाबदारी पार पाडताना सहकार्यांशी जुळवून घ्यावे लागेल, आर्थिक गुंतवणूक सध्या नको. मानसिक चिंता. प्रवासात नवीन ओळखी.
१० मकर २१ ( १२ ) १२ ( १२ )
मागच्या आठवड्यापेक्षा गुण वाढूनही इतरांची परिस्थिती सुधारल्याने तुमचा तळाचा क्रमांक अजून काही चुकत नाही. स्थावर विषयक समस्या. नोकरी व्यवसायात सहकारी त्रास देतील व वरिष्ठांची खप्पामर्जी. प्रवासात नुकसानीचा धोका. कौटुंबिक जीवनात जोडीदाराचे मात्र सहाय्य मिळेल. संयम व श्रध्दा हाच आता आधार.
११ कुंभ ३९ ( ३७ ) १ ( २ )
मागच्या आठवड्यापेक्षा नशीबाच्या गुणात वाढ व क्रमांकात अव्वल स्थान. नोकरी व्यवसायात जोखमीची जबाबदारी चांगली पार पाडाल. त्यामुळे वरिष्ठ खुष. अर्थलाभ मनाजोगते. स्थावर विषयक प्रश्न व्यवहार मार्गी लागतील पडतील. कौटुंबिक वातावरण खेळीमेळीचे.
१२ मीन ३१ ( २९ ) ८ ( ७ )
मागच्या आठवड्यापेक्षा गुणात किंचीत वाढ, परंतु
इतरांची परिस्थिती सुधारल्याने क्रमांकात मात्र घसरण. नोकरीतील विरोधाला वेळीच दूर करा. आर्थिक व्यवहारात जोखीम नको. धावपळ व वादविवाद ह्याम तब्येतीवर ताण पडेल. संयमाने वागा. कौटुंबिक आजारपणे.
( ) कंसांत मागील आठवड्याचे गुण व क्रमांक
स्पर्धात्मक जीवनात आपल्या अपेक्षा पूर्ण करण्याकरता मागच्या आठवड्यापेक्षा कसे प्रयत्न करावे लागतील, त्याचा अंदाज वरील गुणतक्ता दाखवू शकतो.
आपण आपल्याला येणाऱ्या अनुभवांचा योग्य तो प्रतिसाद आम्हाला जरूर कळवावा.
ही अभिनव व एकमेकाद्वितीय पद्धत लोकप्रिय होत आहे.
ह्या शिवाय you tube वरील
moonsun grandson
ह्या माझ्या चँनेलला subdcribe करून राशीभविष्य व इतर व्यवहारोपयोगी विडीओज नेहमी पहा व त्यांचा आवर्जून लाभ घ्या.
माझ्या ब्लॉगची ही लिंक आपल्या परिचय वर्तुळात जरूर शेअर करा.....
http//moonsungrandson.blogspot.com
"सुधा" डिजिटल दिवाळी अंक'१९":
जाता जाता, एक खास साहित्यिक मेजवानीची भेट वाचकांसाठी आम्ही एकहाती निर्मिली आहे, हे सांगताना आम्हाला खूप आनंद होत आहे.
तिची ही थोडक्यात ओळख:
"सुधा" डिजिटल दिवाळी अंक'१९":
नुकताच Switzerland मध्ये प्रकाशित झाला.
असेच अनुकूल गुणांवर आधारित मार्गदर्शक संपूर्ण वार्षिक राशिभविष्य असलेला विविध साहित्याने नटलेला माझ्यासारख्या एका ज्येष्ठ नागरिकाने प्रयत्नपूर्वक काढलेला ह्या डिजिटल अंकात राशीभविष्या व्यतिरिक्त उत्तमोत्तम विविधांगी साहित्याचा नजराणा आहे.
त्वरा करा,
अन् वेळ न दवडता 9820632655 ह्या whatsapp क्रमांकावर आजच आपली मागणी नोंदवा व अंक मिळवा. त्यानंतर ऑनलाइन त्याचे मानधन रुपये ७५/- कसे पाठवायचे तो संदेश तुम्हाला येईल.
धन्यवाद.
लेखक: प्रा. सुधाकर नातू
९/११/'१९
