😄"बिंब प्रतिबिंब-'सोमि'वरील जुगलबंदी भाग 2 !":😃

😄"बिंब प्रतिबिंब-'सोमि'वरील जुगलबंदी भाग 2 !":😃 🙏"रविकुमार सुभाष यांच्या फेसबुक पृष्ठावरून साभार":🙏 👍"मोदी आणि शहा यांच्या जोडीला भाजपचा अध्यक्ष हा येस मॅन हवा असतो.त्या पदावर जर एखादा लोकनेता, प्रसिद्ध आणि संपूर्ण भारतात माहिती असलेला चेहरा बसवला तर उद्या तोच माणूस स्वतः कोट शिवून पंतप्रधानपदाची स्वप्ने बघायला लागू शकतो.नितीन गडकरी अध्यक्ष झाल्यानंतर त्यांना पंतप्रधानपदाची स्वप्ने पडायला लागली होती.पण अचानक त्यांचा गेम झाला आणि बाजूला व्हावे लागले. भाजपसारख्या पक्षाचा अध्यक्ष म्हणजे आपोआपच तो माणूस पंतप्रधानपदाच्या शर्यतीत असतो.एक व्यक्ती एक पद या नियमानंतर जेव्हा अमित शहा गृहमंत्री झाले त्यानंतर लाँग टाईम वेटींग जे. पी. नड्डा यांना अध्यक्ष करण्यात आलं. नड्डा नामधारी अध्यक्ष होते. पक्ष प्रक्रियेत आणि निवडणूक निर्णयप्रक्रियेत नरेंद्र मोदी आणि अमित शहा यांचाच वरचष्मा होता.अनेकदा भारतीय माध्यमांनी पक्ष जिंकल्यावर मोदींचे फोटो वापरले आणि पराभवाचे खापर फोडायला नड्डा यांचा गुटगुटीत फोटो वापरला. सोशल मीडियातही नड्डा यांच्या निष्क्रियतेवर लोकं बोलायची.पण नड्डा हे मोदी शहांच्या दोरीने वेसण घातलेले अध्यक्ष होते त्यामुळे त्यांचे असे काही स्वतंत्र अस्तित्व एखादा निर्णय घेताना दिसून आले नाही. अनेक जण विनोद तावडे, देवेंद्र फडणवीस किंवा, धर्मेंद्र प्रधान आणि भूपेंद्र यादव यांच्यासारख्या ऍक्टिव्ह लोकांच्या नावावर भाजपचे पुढील अध्यक्ष म्हणून चर्चा करत होते.पण भाजपच्या हायकमांडच्या निर्णय घेण्याच्या पद्धतीनुसार त्यांनी द्रौपदी मुर्मूटाईप माणूस शोधून काढला. नितीन नबीन हे नाव याआधी मला तरी राष्ट्रीय माध्यमांत कधी दिसले नाही.आता काहीजण दावा करत आहेत की ते छत्तीसगड प्रभारी होते आणि त्यांच्यामुळेच छत्तीसगढमध्ये भाजप जिंकली तर हे तेव्हा बोलायला हवं होतं जेव्हा भाजप तिथं जिंकली होती. भाजप अध्यक्ष यासाठी महत्वाचे पद आहे कारण नवीन झालेले अध्यक्ष आपली सुकानु समिती (कोअर कमीटी) जाहिर करतात.त्यात जर अध्यक्षांनी आपलीच माणसे भरली तर ते एखादा मोठा निर्णय घेऊन अध्यक्ष पंतप्रधानांनासुद्धा चेकमेट देऊ शकतात.जेव्हा काँग्रेस अध्यक्ष पुरुषोत्तमदास टंडन पंतप्रधान जवाहरलाल नेहरूंना चेकमेट द्यायला लागला होते तेव्हा नेहरू स्वतः काँग्रेसचे अध्यक्ष झाले आणि भविष्यात अशी परिस्थिती उद्भवू नये म्हणून त्यांनी इंदिरा गांधींना अध्यक्ष बनवले होते.अगदी अलीकडेच अरविंद केजरीवाल दिल्लीचे मुख्यमंत्री असूनही त्यांनी आपचे संयोजकपद स्वतःकडे ठेवले होते.आणि त्याचाच वापर करून आपले स्पर्धक कुमार विश्वास, योगेंद्र यादव आणि प्रशांत भूषण यांना आपमधून हाकलण्यात आले. राजनाथ सिंह जेव्हा गडकरींच्या जागी अध्यक्ष झाले तेव्हा अडवाणी, सुषमा स्वराज आणि गडकरी यांचा विरोध असूनही त्यांनी कोअर कमिटीच्या जोरावर नरेंद्र मोदींना आधी भाजपचा प्रचारप्रमुख आणि नंतर पंतप्रधानपदाचा उमेदवार म्हणून घोषीत केले. त्याचं बक्षीस म्हणून राजनाथ सिंह हे मोदी मंत्रीमंडळात क्रमांक २ चे मंत्री होते.अरुण जेटली आणि सिंह यांच्यात वितुष्ट आल्यास नरेंद्र मोदी राजनाथांच्या बाजूने होते.मोदींच्या विदेश दौऱ्यांच्या वेळी कॅबिनेटचे संचालन राजनाथ करायचे. नितीन नबीन हे सध्या भाजपचे कार्यकारी अध्यक्ष म्हणून नियुक्त झाले असून काही दिवसांनी ते भाजपचे पर्मनंट अध्यक्ष होतील. मोदी शहांनी एक लो प्रोफाईल माणूस निवडला आहे जो त्यांना सूट होईल.बाकी अजून किमान १० वर्षे तरी भाजप मोदींच्याच अधिपत्याखाली असेल.आणि पक्षाच्या भल्यासाठी मोदी यांचेच नियंत्रण सरकार आणि पक्ष या दोहोंवर असले पाहिजे यात कुठल्याही भाजपा कार्यकर्त्याला आक्षेप असण्याचे कारण नाही!":👍 © रविकुमार सुभाषराव // A चा प्रतिसाद //PWD कडून दुसरे काय होणारच नव्हते. आत्मकेंद्री "हम करेसो वो कायदा" असे वागणार्या 'जोडगोळी'ने घराणेशाहीबद्दल 'नाकाने कांदे' आता तरी सोलू नयेत. ह्यापायी देशाचे नुकसान होत आले आहे. कसे ते, समजण्यासाठी 'प्रपंच' दिवाळी अंक'25 मधील डाॅ मनीषा सबनीस ह्यांचा 'तिसरी अर्थव्यवस्था ?' हा लेख आवर्जून वाचावा. 'बडा घर पोकळ वासा' ! Remember, NO ONE IS INDISPENSIBLE !" // B चा प्रतिवाद": 🙋‍♂️ *मी या व्यक्तीचे नाव पहील्यांदा RSS च्या भाजपच्या अध्यक्षपदाच्या संभाव्य यादीत एक वर्षापूर्वी पाहीले होते. आजवरच्या शिरस्त्याप्रमाणे भाजपच्या अध्यक्षपद उमेदवाराच्या निवडीत नेहमीच RSS चा वरचष्मा असतो. तो यावेळीही आहे. त्यांचा अध्यक्ष पंतप्रधान पदाचा उमेदवार कधीच नसतो. आजवर तसे कधीच झालेले नाही. सद्ध्या भाजपमधे विविध पातळ्यांवर एक संक्रमण चालु आहे. संघसेवकांची नविन फळी पुढे येत आहे. गेल्या काही वर्षांतल्या विविध राज्यांमधल्या मुख्यमंत्र्यांच्या नेमणुका अशाच झाल्या आहेत. शेवटी हा त्यांचा अंतर्गत प्रश्न आहे.* // A: "भ्रमात राहू नये. All said & done, 'RSS' चीही ह्या मतलबी जोडीपुढे काहीही चालत नाही. सरते शेवटी जसे 'पैसा बोलो छे', तसे सत्तेपुढे काही चालत नाही !" // B: 1 🙋‍♂️ *असु शकते, पण तो त्यांचा आंतरिक प्रश्न आहे. कोण अध्यक्ष आहे याच्याशी सामान्य माणसाचा काय संबंध? त्याला पक्षासाठी काम करायचे असते. तो सरकार चालवत नाही. काँग्रेसचा अध्यक्ष कोण असावा हा त्यांचा अंतर्गत प्रश्न आहे.* 2 🙋‍♂️ *PWD म्हणजे काय? मी दिवाळी अंक वाचणे फार पूर्वी सोडले आहे. अर्थात मी डॉ. मनीषा सबनीस यांचा लेख वाचण्याची सुतराम शक्यता नाही. त्यामुळे त्यावर मी काय बोलणार? परंतु घराणेशाही आणि देशाच्या अर्थव्यवस्थेचा कसा काय संबंध येऊ शकतो ते कळत नाही. मोदींना तर घराणे असल्याचे ऐकिवात नाही.* 😂 // 3 🙋‍♂️😂🤷🏻‍♂️🤦🏻‍♂️ *आज ८० % मंत्रीमंडळ RSS च्या संघस्वयंसेवकांनी भरलेले आहे. उपराष्ट्रपती आणि बहुसंख्य राज्यपाल संघी आहेत. राष्ट्रपती पण संघ समर्थक आहेत. त्याशिवाय ही मंडळी त्या पदांवर येऊ शकत नाहीत. लोकसभेचे अध्यक्ष पण संघी आहेत. मोदी पंतप्रधान झाले त्याआधी ते संसदेचे कधीच सभासद नव्हते. गुजरात मधुन दिल्लीत त्यांना RSS नी आणले. एक संघी म्हणुन. राममंदिर कार्यक्रमात सरसंघचालकांची नेहमीच प्रमुख उपस्थिती होती.* // A: 1 PWD meane Party With a Difference ! कोणीही जाणतो अजाणता का दाखवले जाते कोणास ठाऊक. 2 सारे नामधारी ! हुकुमशाही वा एकाधिकारशाही दुसरे काय? // B: 🙋‍♂️😂 असेलही, हे आपल्याला कोणी सांगितले ते कळत नाही. पण तो त्यांचा आंतरिक प्रश्न आहे. A: प्रपंच' दिवाळी अंक 25 मधील डॉक्टर मनीषा सबनीस यांचा "तिसरी अर्थव्यवस्था ?" या शीर्षकाचा लेख अत्यंत वाचनीय आणि देशाच्या आर्थिक परिस्थितीचा जो उदो उदो उगाचच केला जात आहे त्यावर प्रकाश पाडणारा आहे. त्याचा थोडक्यात सारांश असा: "धट्टी कट्टी गरिबी बरी आजारी श्रीमंती पेक्षा !" किंवा "बडा घर पोकळ वासा !" लेखामध्ये कुठल्याही देशाची परिस्थिती आजमावली जाते त्या सहा निर्देशांकासंबंधी वास्तव मांडत त्याची ही कारणे दिली आहेत: 1 GDP -4TH Rank 2 Per Capita GDP - 128 th Rank 3 निरोगी आयुर्मान .Rank 103 4 निर्णय स्वातंत्र्य-Ranl 24 5 Human Happiness Index- 126 6 भ्रष्टाचाराचे प्रमाण -Rank 118 हा लेख अभ्यासपूर्ण आणि परखड विचार मांडणारा आहे. सर्वांनी तो वाचावा असाच आहे. थोडक्यात ज्या देशात 80 कोटी लोकांना मोफत गरजेचे धान्य पुरवण्याची वेळ येते अनेक रेवडी व रमणा वाटल्यासारख्या योजना राबवायला लागतात त्याशिवाय नैतिक अध:पाताचा कळस जिथे गाठला गेला आहे आणि विलक्षण विलंबाने न्याय व काही ना काहीतरी चुकतंय असे वाटावे अशा नकारात्मक अनेक अनेक वृत्ते दररोज येत आहेत, जी हम नही सुधरेंगे असेच ध्वनीत करतात, त्या देशाने चौथ्या अर्थव्यवस्थेमुळे वरून जगामध्ये तिसरी अर्थव्यवस्था होण्याची सातत्याने दवंडी न पेटवता आत्मपरीक्षण करावे आणि झपाट्याने सुधारणा करावी हेच उत्तम.