👍"छाप (पड)लेले शब्द !":👌

 👍"छाप (पड)लेले शब्द !":👌

💐"समर्पित जीवनाचा आल्हाददायक पट !":💐

"छाप (पड)लेले शब्द  !": 'वर्तमानपत्रातील नेहमीच्या घोटाळे, भीषण अपघात, राजकीय उखाळ्या पाखळ्या, आदी नको असलेल्या बातम्यांच्या रखरखीत वाळवंटात, अचानक हा असा  कर्तृत्ववान व्यक्तीच्या समर्पित जीवनाचा आल्हाददायक पट नजरेत येतो, तेव्हा मन भरुन येते.

आज पासून जनता शताब्दी सुरू होणाऱ्या प्राध्यापक, प्राचार्य, कुलगुरू राम जोशींचा शिक्षण क्षेत्रातील अलौकिक योगदानाचा विस्त्रुत आलेख या लेखात आहे. त्यांना 'शिक्षणमंत्री व्हा' असा आग्रह असूनही आपल्याला कायम शिक्षक करायचे आहे, असा निर्णय घेणारा माणूस विरळाच. मुंबई विद्यापीठाची सध्या जी घसरगुंंडी चालू आहे, त्या पार्श्वभूमीवर कुलगुरू म्हणून त्यांनी दिलेले योगदान निश्चितच उठून दिसते.

प्रखर बुद्धिमत्ता, ध्येयासक्ती अमोघ वक्तृत्व आणि देखणे व्यक्तिमत्व लाभलेल्या प्रा राम जोशींच्या स्मृतीला मनापासून वंदन. शतकातून, अधून मधून कां होईना, अशी आदर्श व्यक्तिमत्वे निर्माण होतात, आपल्या असीम कर्तृत्वाचा ठसा उमटवत समाजाला दिशा देतात, हे आपले भाग्य !":👌

--------------
👍"छाप (पड)लेले शब्द !":👌
💐"हरवले ते गवसले !":💐

👍" सोबतच्या वृत्तामधील आजोबांचा चष्मा समुद्रात पडून देखील पुन्हा सापडला हे वाचल्यावर, मला तशाच एका प्रसंगाची आठवण झाली. काही कामानिमित्त मी माहीमहून दादरला बसने चाललो होतो. सर्वसाधारणपणे मी बाहेर पडल्यावर टोपी घालतो.त्या बसमध्ये बसल्यावर ती टोपी बहुदा बाजूला मी सीटवर ठेवली होती, पण ते मी विसरून गेलो. बसमधून दादरला उतरून काम करून, पुन्हा काही वेळाने घरी जायच्या वेळेला आपल्या डोक्यावर टोपी नाही हे माझ्या लक्षात आले. खूप हळहळ वाटली आणि मी बससाठी स्टाॅपशी उभा राहिलो,  मेचकी मी दाारला जिने आलो तीही 52 नंबरची बस होती, बहुदा तीच उलटा प्रवास करून योगायोगाने मला मिळाली ! बघतो ते काय एका सीटवर कोपऱ्यात माझी टोपी तशीच पडलेला होती. कोणी ती उचलून नेली नव्हती, हे एक आश्चर्यच ! त्यावेळेला मला जो आनंद झाला, तसाच आनंद बहुदा ह्या चष्मा हरवलेल्या आजोबांना झाला असेल.

खरंच काय योगायोग असतात कळत नाही. 'हरवलेले अवचित गवसते आणि ते तसे कां होते, हे कुणाला कधीच कळत नाही !:"👌
---------------
👍"छाप (पड)लेले शब्द !":👌
💐"वाचावे, ते ते नवलच !":💐

👍"कधी कधी वर्तमान पत्रामधले, एखादे वृत्त आपले लक्ष त्याच्या शीर्षकामुळे वेधून घेते. 'सनातन' ध्यासाचा सन्मान" या शीर्षकानेही माझे लक्ष ते वृत्त वाचण्यासाठी उद्युक्त झाले आणि काय आश्चर्य ! एकाहून एक नवल वाटाव्यात, अशा कितीतरी गोष्टी त्यामधून गवसल्या. गोरखपूरची 'गीता प्रेस' या संस्थेला, 2021 चा "गांधी शांतता पुरस्कार" जाहीर झाला आहे.

आज पर्यंत ह्या प्रेसने 93 कोटी होऊन अधिक पुस्तके प्रकाशित केली आहेत ! पंधरा भाषांमधील 1800 प्रकारची पुस्तके हे वाचून मी थक्क झालो !!  त्या पुढचा या पुरस्काराचा आकडा वाचून मी तर हवेतच उडालो एक कोटी रुपये आणि इतर बऱ्याच काही गोष्टी असे या पुरस्काराचे स्वरूप आहे !!!

खरंच एखादी संस्था  निरलसपणे, इतके
उपयोगी आणि अवर्णनीय कार्य करत असेल याची आपल्याला कल्पनाच नसते.":👍