😊 'वेड', लागले? की 'वाळवी', भुलली?":👌

 😊 'वेड', लागले? की 'वाळवी', भुलली?":👌

कोरोना काळामुळे गेल्या अडीच वर्षांमध्ये जे जमले नाही, ते गेल्या पंधरा दिवसात जुळून आले. पूर्वीसारखे आम्हाला लागोपाठ दोन चित्रपट बघायची अशी संधी मिळाली, ती आत्ता !

सार्या रसिकांना वेड लावणारा 'वेड' हा चित्रपट तर त्या मागोमाग जो तो, 'किती फॅन्टॅस्टिक' अशी आरोळी सोशल मीडियावर करण्यात पुढाकार घेणारा, 'वाळवी' हा चित्रपट मला देखील दोनही आवडले.

💐प्रेम हा विषय ज्याने त्याने केव्हा ना केव्हातरी प्रेमात पडून, कधी ना कधीतरी कायमच आळवला आहे यात शंकाच नाही. पण प्रेमाचा खराखुरा भावगर्भ अर्थ आणि त्या मागच्या अतूट अशा भावना, जर कोणी चपखलपणे परिणामकारकपणे मांडले असतील तर ते 'वेड'या चित्रपटाने.

प्रेम म्हणजे वेड, वेड म्हणजे प्रेम हे गणित अशा खुबीने या चित्रपटात उलगडले आहे की, त्याला दाद द्यावी तेवढी थोडीच. साहजिकच ह्या दोन चित्रपटात जर कुणाला पहिला नंबर द्यायचा तर आम्ही तरी 'वेडाच्या मागे राहू.💐

👍अर्थात 'वाळवी' मध्ये काय काय नाही हे उगाचच शोधण्यापेक्षा, आजपर्यंत मराठी चित्रपटात जे कधीही आले नाही, ते ते काय आहे ते येथे मांडणे, म्हणजे ह्या चित्रपटाला योग्य तो न्याय देणे होईल. 

प्रारंभापासून ते अखेरपर्यंत, इतकी ती 'वाळवी' डोक्याला पिंजून काढते, की ती शब्दात मांडणे केवळ अशक्यच ! 

त्यासाठी प्रत्यक्षात थिएटरमध्ये जाऊन तो अनुभव घेणे अधिक श्रेयस्कर. उघड उघड विवाहबाह्य संबंध आणि त्यातून निर्माण होणारी टोकाची खुनी व्रुत्ती, त्यासाठी केलेले काटेखोर नियोजनाचे प्रयत्न आणि अर्थातच नियोजनाचा फुसका बार फसण्याचा, प्रेक्षकांना अधिकाधिक गोंधळात टाकणारा प्रसंग, यांनी चित्रपटाची उत्कंठा, क्षणाक्षणाला वाढत जाते. 👌

👍त्यानंंरचे, ज्ञात इंग्रजी थ्रीलर चित्रपटांच्या तोडीस तोड, एवढेच काय पण त्यांना तोंडात मारेल असे टेकिंग, यामुळे प्रेक्षक आपल्या खुर्चीतच अक्षरशः दिगमूड होऊन जातो. 

'क्लायमॅक्स' या शब्दाला साजेसा, असा तो धक्कादायक क्षण तर कधीही न विसरण्याजोगा ! 

म्हणूनच

चित्रपटगृहातून बाहेर पडताना,

'करावे तसे भरावे !' 

किंवा 'पेराल तेच उगवेल' 

हा मिळालेला संदेश 

हेच 'वाळवी'चे सार तो घोळवत रहातो !"👌