नियतीचा संकेत ४:
जन्मपत्रिकेचा चिकीत्सक अभ्यास-
उद्या काय होणार ह्याची उत्सुकता सर्वांनाच असते. येणारा काळ आपल्याला अनुकूल वा प्रतिकूल आहे हे जाणण्यासाठी राशिभविष्य पुष्कळजण वाचतातच. ज्योतिषामधील विविध ग्रह व त्यांचे योग, त्यांच्या महादशा, राशी, स्थाने, जन्मपत्रिका आणि विविध नियमांचा इ.इ. मुलभूत माहितीची, सोप्या समजेल अशा भाषेंत ही क्रमवार लेखमाला, माझ्या blog वर मी नववर्षापासून लिहीत आहे. 'ह्या ह्रदयीचे, त्या ह्रदयी' करण्याचा, हा प्रयत्न तुम्हाला आवडतो व मार्गदर्शक ठरत आहे, ह्याचे मला खूप समाधान आहे.
जन्मलग्नपत्रिकेचा फलादेश:
जन्मलग्नपत्रिका तपासताना, प्रत्येक ग्रह कोणत्या स्थानांत व राशीमध्ये आहे ते पहावे लागते. पुढील कोष्टकावरून त्या अनुषंगाने पत्रिकेचा दर्जा आणि फलादेश देण्यास मदत होते. ग्रह कोणत्या स्थानी आहेत आणि त्यांचे एकमेकांशी कसे शुभाशुभ योग होतात, तेही फलादेश निश्चित करताना अभ्यासावे लागते.
प्रथम, जन्मपत्रिकेच्या प्रत्येक स्थानाशी फलादेश पहाताना कोणत्या गोष्टी संबंधित असतात ते पाहू:
:पत्रिकेतील स्थानसंबंधित गोष्टी:
स्थान-नाम स्थानसंबंधित गोष्टी
१. लग्न व्यक्तिमत्व शरिरसौष्ठव डोके
२. धन संपत्ती कुटुंब घसा उजवा डोळा
३.पराक्रम प्रवास भावंडे उजवा कान हात
४. सुख स्थावर मन माता बाहू फुफुसे
५. पंचम संतती विद्या प्रेम पोट यक्रुत
६. षष्ठ शत्रु नोकरी रोग पोट मोठे आतडे
७. सप्तम जोडीदार विवाहसुख जननेंद्रिये
८. अष्टम म्रुत्यु नुकसान गर्भाशय
९. नवम भाग्य परदेशगमन मांड्या
१०. दशभ धंदा पिता ह्रदय गुढगे
११. एकादश लाभ डावा कान पिंढर्या
१२. व्यय मोक्ष खर्च अध्यात्म पावले
------ ------ ------ ------ ------ -----
आता प्रत्यक्ष पत्रिकेचा सखोल अभ्यास करण्यासाठी, राशीनिहाय ग्रहस्थिती पाहू:
:राशीनिहाय ग्रहांची स्थिती:
स्वामी उच्चीचा नीचीचा
१. मेष मंगळ रवि शनी
२. व्रुषभ शुक्र चंद्र ------
३. मिथून बुध ------ ------
४. कर्क चंद्र गुरू मंगळ
५. सिंह रवि ------ ------
६. कन्या बुध बुध शुक्र
७. तुळा शुक्र शनी रवि
८. व्रुश्चिक मंगळ ------ चंद्र
९. धनु गुरु ------ ------
१०. मकर शनी मंगळ गुरू
११. कुंभ शनी ------ ------
१२. मीन गुरु शुक्र बुध
------ ------ ------ ------ ------ -----
ह्यानंतर पत्रिकेचे प्रत्येक स्थान त्यामध्ये उपस्थित ग्रह व ते कोणत्या राशीत आहेत ते तपासून त्यांची वरील कोष्टकानुसार काय स्थिती आहे ते पहावे. ह्याचबरोबर ग्रहांमधील योग कोणते आहेत ते पहावे:
विविध ग्रहयोग:
स्वग्रही: जर ग्रह स्वत:च्या राशीत असेल तर हा योग तो ज्या स्थानांत असेल त्याचे संबंधित शुभफळ देतो. जर ग्रह उच्च राशीत असेल तर तो विशेष शुभफळ देतो आणि ग्रह जर त्याच्या नीचराशीत असेल तर अशुभ मानला जातो.
युती: दोन किंवा अधिक ग्रह एकाच स्थानी वा एकाच राशीत
केंद्रयोग: एकमेकांच्या पासून ९० अंशांत किंवा चौथ्या स्थानांतील ग्रह हा योग करतात
त्रिकोण: एकमेकांपासून पाचव्या वा नवव्या स्थानी वा १२० अंशात, ग्रह हा नवपंचम शुभ योग करतात. पत्रिकेतील रवि व गुरुचा हा योग अत्यंत शुभ असतो.
लाभ: एकमेकांपासून तिसर्या वा अकराव्या स्थानांतील ग्रह हा योग करतात.
व्यय: एकमेकांच्या दुसर्या वा बाराव्या स्थानी जर ग्रह असतील तर हा योग होतो. ह
षडाष्टक: एकमेकांपासून सहाव्या वा आठव्या स्थानांतील ग्रह हा त्रासदायक योग करतात.
राजयोग: पत्रिकेत एकुण चार चौकोनस्थाने तर आठ त्रिकोणस्थाने असतात. ह्या चार चौकोनापैकी एका स्थानाचा व पाचव्या अथवा नवव्या स्थानाचा स्वामी जर एकच ग्रह असेल तर अशा पत्रिकेत तो ग्रह राजयोग हा विशेष शुभयोग करतो असे मानतात. सहाजिकच सखोल अभ्यास केला तर हे ध्यानात येईल की एकुण पुढील फक्त सहा
जन्मलग्नाच्या पत्रिका त्या त्या ग्रहाचा राजयोग करतात:
मकर व कुंभलग्न: शुक्राचा राजयोग
सिंह व कर्कलग्न: मंगळाचा राजयोग
व्रुषभ व तुळलग्न: शनीचा राजयोग
हे ध्यानात येईल की चंद्र व रवि फक्त एकाच राशीचे मालक असल्याने, व बुध मिथुन व कन्या ह्या केंद्रयोगातील राशींचा स्वामी असल्याने त्या ग्रहांचे राजयोग नाहीत.
नमुना पत्रिकेचा अभ्यास:
आता आधीच्या लेखात दिलेल्या पत्रिकेचा वरील संग्राह्य माहीतीच्या आधारे अभ्यास करू:
जन्मलग्न: सिंह लग्नस्वामी: रवि
जन्मचंद्रराशी: सिंंह चंद्रराशीस्वामी: रवि
आता स्थानपरत्वे ग्रहस्थिती अशी असल्याचे दिसेल
महत्त्वाचे सहा ग्रह एखाद्या स्थानापासून कोठे असले, तर शुभ मानले जातात त्याची माहीती:
रवि: ३ ६ १० व ११व्या स्थानी शुभ
मंगळ: ३, ६ ११वा चांगला
बुध: २ ४ ६ ८ १० ११ वा शुभ
गुरू: २ ५ ७ ९ ११ वा उत्तम
शुक्र: १ २ ३ ४ ५ ८ ९ ११ व १२वा चांगला
शनी: ३ ६ ११वा शुभ
ह्या बरोबरच पंचांगामध्ये प्रत्येक ग्रह इतरांबरोबर मित्र वा शत्रु अथवा सम असतो त्याचाही उपयोग पत्रिकेचा अभ्यास करताना होतो. आता नियतीचा संकेत 3 ह्या लेखातील बनविलेल्या पत्रिकेचा अभ्यास असा-
स्थान-नाम स्थानसंबंधित राशी व ग्रह:
१. लग्न सिंह गुरु, चंद्र व शुक्र युती
२. धन कन्या राहू
४. सुख व्रुश्चिक शनी
५. पंचम धनु प्लुटो
७. सप्तम कुंभ नेपच्यून
८. अष्टम मीन केतु व हर्शल
११. एकादश मिथुन मंगळ व बुध
१२. व्यय कर्क रवि
उरलेल्या चार स्थानांत कोणताही ग्रह नाही.
ह्या पत्रिकेचे विश्लेषण:
सिंह लग्न असल्याने मंगळाचा राजयोग. तो अकराव्या म्हणजे लाभस्थानी. मात्र शत्रुक्षेत्री म्हणून कष्टपूर्वक लाभ.
लग्नी सिंह राशीत गुरू चंद्र व शुक्र युती शुभ व ही व्यक्ती महत्वाकांक्षी उद्योगी व उत्तम नेत्रुत्वगुण असलेली.
रवि चंद्र एकमेकांच्या राशीत तर बुध लाभात स्वग्रुही ते बलवान असल्याने त्यांच्या महादशेत प्रगती व भरभराट तसेच चांगले आरोग्य लाभेल.
पत्रिकेला मंगळदोष नाही तसेच शनीचा दाब नाही, म्हणून विवाहाचे वेळी फक्त मंगळदोष नसलेल्या पत्रिकांशीच गुणमेलन करून विवाह करावा. राहू व रवि विवाहस्थानाच्या षडाष्टक योगात आणि हर्शल केतु अष्टमात हे कुयोग विवाहाला विलंब अडथळे दर्शवितात.
सप्तमेश शनी शत्रुक्षेत्री व्रुश्चिकेत असल्याने विवाहसौख्याला बाधा संभवते.
ह्या पत्रिकेतील विविध योग:
शनी व रवि त्रिकोण-नवपंचमयोगात तीच स्थिती नेपच्यून व मंगळ बुधाची
रवि राहू, लाभयोग, गुरु चंद्र शुक्र मंगळ बुधाशी लाभयोगांत, प्लुटो नेपच्यूनही लाभात
शनी गुरू चंद्र व शुक्राशी केंद्रयोगात
नेपच्यूनचा राहूशी षडाष्टक, तसाच योग रविशी. शनीशी मंगळ बुध षडाष्टक योग.
इ.इ.इ... ...
ह्याप्रमाणे पत्रिकेचे विश्लेषण करता येते. चंद्र ज्या राशीत किती अंश कला आहे ते अभ्यासून त्या व्यक्तीच्या जीवनात येणार्या ग्रहांच्या महादशांचा क्रम काढता येतो. अशा सर्वांगीण निरीक्षणांची अनुभवावरून चिकीत्सा करून ज्योतिषी फलादेश वर्तवतो.
ह्या लेखांत पत्रिका कशी पहायची ते विस्ताराने मांडले आहे. अनेकानेक पत्रिका तयार करुन त्यांचे विश्लेषण करत अनुभव मिळवता येतो. गणिताचे, तर्काचे ज्ञान अभ्यासू चिकीत्सक व्रुत्ती आणि काही अंशी अंतर्स्फुर्ती ह्या गुणांचा जोतिषासंबंधी सल्ला देताना उपयोग होत असतो.
धन्यवाद.
सुधाकर नातू माहीम मुंबई16
Mb 9820632655
सुंदर व आमच्या सारख्या नवशिक्यांना मार्गदर्शनपर👌
उत्तर द्याहटवासुंदर व आमच्या सारख्या नवशिक्यांना मार्गदर्शनपर👌
उत्तर द्याहटवा