💐 👍 "साधा, स्वत:च स्वत:शी संवाद !":👌

 👍"रंगांची दुनिया !":👌

💐"रसिकमनांची रसिली यात्रा !":💐

💐"शारदोत्सव!":💐

👍 "साधा, स्वत:च स्वत:शी संवाद !":👌

वाचनासारखा जाणिवा समृद्ध करत आत्मसमाधान आणि आनंद देणारा दुसरा कुठलाही छंद नाही. माझं भाग्य हे की, मला देखील वाचनाची आवड आहे आणि वाचनामध्ये मला शक्यतोवर व्यक्तिचित्रे आणि आत्मचरित्रे अधिक आवडतात, कारण त्यामुळे जीवनांचा विविध असा बरा वाईट भवताल, आपल्याला प्रत्यक्ष अनुभवता येतो. कारण प्रत्येक व्यक्तीचं जीवन म्हणजे एक कादंबरी असते. त्या त्या व्यक्तीचे अनुभव त्या वेळच्या प्रसंगांचा घटनांंचा परामर्श आणि त्या त्या काळांत आपण तेव्हा कुठे होतो, कसे होतो याचा पडताळा घेत, स्वतःशीच स्वतः संवाद साधत, आपल्याला एका वेगळ्या प्रकारच्या दुनियेत प्रवेश केल्याचा आभास देखील होतो. 

माझ्या आवडत्या लेखकांमध्ये रवींद्र पिंगे यांचं नांव पहिल्या रांगेतील आहे. नाट्यदर्पण रजनीच्या 'जीवनगौरव पुरस्कारां'च्या मानपत्राचे लेखन आणि अतिशय प्रासादिक अशी लेखनशैली असलेली रवींद्र पिंग्यांची बहुतेक पुस्तके मी आवर्जून मिळवली आहेत आणि वाचली आहेत. त्यातील 'सर्वोत्तम पिंगे' हे एक पुस्तक अचानक मला वाचनालयातून गवसले आणि अक्षरशः एका वेगळ्याच अशा अनुभूतीच्या प्रांगणात मी न्हावून निघालो. त्यांचे सर्वोत्तम असे हे बावन्नकशी लेख म्हणजे प्रत्येक जणू एक एक उत्कृष्ट शब्दशिल्प आहे. त्यामध्ये अनेक 

प्रथितयश व्यक्तींची जी व्यक्तिमत्वं आणि जीवनकहाण्या रेखाटल्या आहेत त्या अक्षरश: न विसरण्याजोग्याच आहे

त्यातील एक लेख तर मी कधीच विसरू शकत नाही, कारण त्यामधूनच मला जे गवसले, ते म्हणजे शारदेच्या खजिन्यातील कुबेराचे जणू शब्दभांडार आहे. 'स्वतःशीच स्वतः संवाद साधा' अशा स्वरूपाचा त्यांचा तो लेख त्यांचे संपूर्ण जीवन गाणे आपल्यासमोर रंगवतोच, पण त्यामधून आपल्याला प्रत्येकासाठी उपयुक्त अशी प्रश्नावली मिळते. तीच प्रश्नावली मी इथे संपादित करण्याचा प्रयत्न केला आहे. आपणही ती नजरेतून जरूर घालावी, त्या अनुषंगाने आपणच आपल्याशी संवाद साधावा, त्याची उत्तरे लिहून काढावीत. आपण कुठे होतो, यापुढे आपल्याला कुठे जायचंय आणि आपले खरोखर जीवन तत्वज्ञान काय आहे, आपण काय मिळवले अन् काय गमावले याचाही यथायोग्य मागोवा त्यामुुळे प्रत्येकालाच घेता येईल !

"संपादित प्रश्नावली":

: नांव, पत्ता, फोन नंबर, ई मेल, मूळ गाव, व्यवसाय, सध्या काय करता, कुटुंबातील व्यक्ती, शिक्षण, शाळा, महाविद्यालय, विशेष छंद, महत्त्वाकांक्षा काय होती, ती सफल झाली का, निखळ आनंदाची कल्पना, आनंदाचा प्रसंग, संस्मरणीय प्रसंग, देव मानता कां, आपला स्वभाव कसा आहे, आवडते लेखक, तुमच्या जवळची मौल्यवान गोष्ट, आवडलेली पुस्तके, आवडलेले चित्रपट व नाटके, आवडते कलावंत, आवडतं गाव, आवडती गाणी, मित्रपरिवार, आवडते गायक व गायिका,जीवनावर प्रभाव टाकणार्या व्यक्ती, सर्वात प्रिय गोष्ट, तुम्ही तुमच्या जवळ कोणती वस्तू नेहमी वापरता, उपजीविकेचे साधन, तुम्हाला तिटकारा येतो का, फावल्या वेळात काय करता, धन्यतेचा क्षण कोणता, दुःखाचे क्षण कोणते, काय करायचं राहून गेलं, कोण व्हायला आवडलं असतं, जीवनविषयक तत्त्वज्ञान, तुम्हाला वैताग कशाचा येतो,  स्वतःची आवडती कलाकृती, तुम्ही काय लिहिता, तुमचे खास गुण, जगून झालेल्या आयुष्याबद्दल काय विचार, तुमची स्मृती कशी उरावी, संकल्प, नवीन पिढीसाठी कान गोष्ट...

शेवटी जाता जाता सर्वोत्तम पिंगे या लेखसंग्रहात मला जाणवलेले सार हे असे आहे:

👍"माणसाचं आयुष्य नशिबाच्या धनुकलीवर पिंजलं जात कुठे कसं वाहत जाईल, ते कळतच नाही. त्याचे गुण त्याला प्रकाशातले यश, तर अवगुण एखाद्या जहरी विषारी नागासारखे अपयशाचे फूत्कार काढत, त्याच्या र्हासाला कारणीभूत ठरतं !":

👌

धन्यवाद 

सुधाकर नातू