"पुढचं पाऊल":
अर्थात्
"आगामी आठवड्याचे वैशिष्ट्यपूर्ण राशीभविष्य:
२० आँक्टोबर'१९ ते २६ आँक्टोबर'१९:
प्रथम आगामी दिवाळी व नुतन वर्ष तुम्हा सर्वांना सुख समाधान प्रगतीपर व शांतीचे जावो ही सदिच्छा.
"एकमेकाद्वितीय अनुकूल गुणपद्धत":
अगदी आगळेवेगळे असे हे राशिभविष्य आहे. अशा अभिनव पद्धतीचे राशीभविष्य तुम्ही कुठेही कधी, वाचले वा पाहिले नसेल. कारण येथे आम्ही ज्योतिषाचा उपयोग ग्रह बदलानुसार प्रत्येक राशीला ग्रहांच्या शुभ दिवसाप्रमाणे अनुकूल गुण देऊन तुमच्या राशीच्या नशीबाला संख्यात्मक रूप दिले आहे.
जीवन म्हणजे बारा राशींच्या माणसांच्या नशीबाची जणु शर्यतच असते. ह्या आमच्या अनुकूल गुण पद्धतीमुळे जीवन स्पर्धेत कोण 'हुशार' व कोण 'ढ' हे आता येथेच समजणार आहे!
"तुम्हीच तुमच्या नशीबाचे शिल्पकार!":
स्पर्धात्मक जीवनात इतर राशीची माणसे कुठं होती व येत्या आठवड्यात त्यांचे नशीबाचे तुलनेत आपले काय स्थान आहे, ते सारे ह्या गुणांमुळे तुम्हाला समजू शकेल. त्या प्रमाणे तुम्ही आपले अपेक्षा व प्रयत्न विषयक, धोरण ठरवू शकता.
ह्यासाठी आम्ही म्हणतो:
"तुम्हीच तुमच्या नशीबाचे शिल्पकार!":
अशा एकमेवाद्वितीय कल्पनेचे हे उपयुक्त राशिभविष्य उत्तरोत्तर विलक्षण लोकप्रिय होत आहे.
"नशीबाच्या परिक्षेचा निकाल":
येत्या आठवड्यातील प्रमुख ग्रहबदल: बुध २३ तारखेला तुळेतून व्रुश्चिक राशीत. तर चंद्राचा प्रवास मिथून, कर्क सिंह व कन्या राशी असा होणार आहे. ह्या आठवड्याचे वैशिष्ट्य म्हणजे २१ तारखेला होणारे चार अनिष्ट केंद्रयोगः
रवि-चंद्र, चंद्र-बुध, मंगळ-राहू आणि मंगळ-केतू. उलथापालथ घडविणारे हे चमत्कारिक कुयोग मीन मिथून धनु व कन्या राशींसाठी त्रासदायक व अडचणी वाढविणारे आहेत. त्यांनी मनावर संयम ठेवावा.
ह्या आठवड्यात, वरील केंद्रयोग सोडता बाकी ग्रहमानात किंचीत सुधारणा होत असल्याने अनुकुल गुणात राशीनिहाय तशीच वाढ होणार असून, आघाडी कायम ठेवणारी कर्क रास व त्यामागोमाग तुळा राशी नशीबवान ठरेल.
उत्तरोत्तर अधिकाधिक मार्गदर्शक बदल आम्ही करत जाणार आहोत. आपल्याला काय अनुभव येतात ते जरुर टिप्पणींत लिहावे. आमच्या ह्या ज्योतिष संशोधन प्रयोगाला दिशा मिळू शकेल.
१. "राशीनिहाय नशीबाची गटवारी":
२० आँक्टोबर'१९ ते २६ आँक्टोबर'१९ ह्या आठवड्यातील ग्रहस्थितीनुसार बाराही राशींच्या नशिबाचे गुण व गटवारी ही अशी आहे:
पहिला उत्तम गट: कर्क
दुसरा शुभ उजवा गट: तुळा
तिसरा मध्यम गट: व्रुश्चिक, कुंभ,कन्या मिथून व मेष
चौथा कष्टाचा डावा गट: मीन, धनु व्रुषभ व सिंह
पाचवा कटकटींचा तळाचा गट: मकर
२. "राशीनिहाय नशीबाचा अनुकूल गुणतक्ता ":
आता मागच्या आठवड्याचे तुलनेत येणार्या आठवड्याचे, वरील पद्धतीने अनुकूल गुण व क्रमांक प्रथम, तर कंसात मागील आठवड्याचे गुण व बारा राशीत क्रमांक असे आहेत:
(एकूण ४९ गुणांपैकी)
चंद्र राशी अनुकूल गुण बारा राशीत
क्रमांक
१ मेष २३ ( १६ ) ७ ( १० )
मागच्या आठवड्यापेक्षा गुणांत व क्रमांकात समाधानकारक स्थिती. नोकरीतील अडचणी व वादविवाद काबूत ठेवाल. आर्थिक जमाखर्च संभाळा. घाईगर्दी नको. तब्येत नरम गरम.
२ व्रुषभ २० (२१ ) १० ( ७ )
मागच्या आठवड्यापेक्षा गुण थोडे घसरले. राशींच्या स्पर्धेत क्रमांकात पाऊल मागे गेले. नोकरी व्यवसायात स्पर्धा वाढेल व आर्थिक घडी विसकटेल. कौटुंबिक सारे आलबेल नाही. प्रवासात नुकसानीचा फटका बसू शकेल सावध रहा.
३ मिथून २४ ( १८ ) ६ ( ८ )
मागच्या आठवड्यापेक्षा गुणांमध्ये वाढ.
आर्थिक व्यवहारात सुखद घटना. नोकरी व्यवसायात जैसे थे. धावपळ झाल्याने तब्येत नरम गरम. जोडीदाराच्या अपेक्षा ध्यानात ठेवा.
४ कर्क ३८ ( ४१) १ ( १ )
मागच्या आठवड्यासारखीच आघाडी. नोकरीत प्रगती व अर्थव्यवहार मनाजोगते. कौटुंबिक आनंददायी घटना. प्रवासात नवीन ओळखी लाभदायक. भविष्यासाठी आत्ताच तरतूद करा.
५ सिंह २० ( १५ ) ११ ( ११ )
मागच्या आठवड्यापेक्षा गुण तसे इतरांच्या तुलनेत कमीच. स्पर्धेत अजून निराशाजनक स्थिती. नोकरी व्यवसायात नको ती कामे व अडचणीत भर पडेल. मानसिक चिंता वाढतील. आर्थिक नुकसानीकडे लक्ष द्यावे.
६ कन्या २५ (२७ ) ५ ( २ )
मागच्या आठवड्यापेक्षा गुणांत व क्रमांकात थोडी घसरण. आपण स्पर्धेत प्रयत्न अपुरे पडतील. नोकरीत व्यवसायात जास्त कामाचा बोजा. अर्थार्जन सुधारेल. मात्र आपल्या आजारांकडे वेळीच लक्ष द्या.
७ तुळा २८ ( २५ ) २ ( ३ )
मागच्या इतक्या आठवड्यापेक्षा गुण व क्रमांकात सुधारणा. नोकरी व्यवसायात तुमच्यावर महत्वाची जबाबदारी व मान. कौटुंबिक आनंदवार्ता.
८ व्रुश्चिक २५ ( २२ ) ३ ( ६ )
मागच्या आठवड्यापेक्षा गुण व क्रमांकात सुधारणा. नोकरी व्यवसायात वरिष्ठांची मर्जी त्याचा लाभ घ्या. आर्थिक व्यवहार वेळीच पूर्ण करा. कौटुंबिक शांती.
९ धनु २१ ( २३) ९ ( ५ )
मागच्या आठवड्यापेक्षा गुणांत व क्रमांकात घसरण. नोकरीत अपमान. कसाबसा टिकाव धरू शकाल. संततीविषयक चिंता व एकंदर मानसिक अस्वस्थता.
१० मकर ११ ( १२ ) १२ ( १२ )
मागच्या आठवड्यापेक्षा गुण कमी आणि क्रमांक पुन्हा शेवटचा! नोकरी व्यवसायात वरिष्ठ नाराज. प्रवासात अप्रिय घटना. कौटुंबिक वातावरण ताणतणावाचे. तब्येत संभाळा.
११ कुंभ २५ ( १७ ) ४ ( ९ )
मागच्या आठवड्यापेक्षा नशीबाच्या गुणात व क्रमांकात उत्तम सुधारणा. नोकरी व्यवसायात उत्साहवर्धक स्थिती. आर्थिक लाभ. कौटुंबिक खेळीमेळीचे वातावरण.
१२ मीन २२ ( २४ ) ८ ( ४ )
मागच्या आठवड्यापेक्षा गुणात व क्रमांकात थोडी घसरण. नोकरीत अडचणी आर्थिक व्यवहार जपून करा. संततीच्या तब्येतीची चिंता. कौटुंबिक वादविवाद टाळा.
( ) कंसांत मागील आठवड्याचे गुण व क्रमांक
स्पर्धात्मक जीवनात आपल्या अपेक्षा पूर्ण करण्याकरता मागच्यापेक्षा कसे प्रयत्न करावे लागतील, त्याचा अंदाज वरील गुणतक्ता दाखवू शकतो.
आपण आपल्याला येणाऱ्या अनुभवांचा योग्य तो प्रतिसाद आम्हाला जरूर कळवावा.
ही अभिनव व एकमेकाद्वितीय पद्धत लोकप्रिय होत आहे. आपणही तिची माहिती इतरांना जरुर द्यावी.
दर शनिवारी, माझ्या ब्लॉगवर, ग्रहस्थितीनुसार आपल्या आगामी आठवड्याचे अनुकूल गुणांवर आधारित, हे अभिनव राशीभविष्य मी असेच आपल्या उपयोगासाठी मांडत जाणार आहे.
शिवाय you tube वरील
moonsun grandson
ह्या माझ्या चँनेलवर तसा विडीओही प्रदर्शित केला जाईल. त्याचा आवर्जून लाभ घ्या. तशी सवय लावून घ्या.
आता पुढील आठवड्यात माझा एक हाती काढलेला "सुधा" डिजिटल दिवाळी अंक'१९-वर्ष तिसरे मी प्रसिद्ध करणार आहे, त्यात असेच अनुकूल गुण आधारित वार्षिक राशीभविष्य आहे. तसेच वरील चँनेलवर राशीनिहाय संपूर्ण राशीभविष्याचे विडीओज् मी प्रकाशित करणार आहे... त्यांचा जरूर लाभ घ्या.
माझ्या ब्लॉगची लिंक आहे:
http//moonsungrandson.blogspot.com
ही लिंक नेहमी उघडा, शेअरही करा.....
धन्यवाद.
लेखक: प्रा. सुधाकर नातू
१९/१०/'१९
कोणत्याही टिप्पण्‍या नाहीत:
टिप्पणी पोस्ट करा